திரு கோடிக்கா

                                                                           ௨ 

திருநாவுக்கரசு சுவாமிகள் அருளிச்செய்த
நான்காம் திருமுறை

தகவல் பலகை	விவரம்
தலம்	திரு கோடிக்கா
ஊர்
நாடு	சோழ (காவிரி வட)
ॐசுவாமி	கோடீஸ்வரர்
ॐஅம்பிகை	திரிபுரசுந்தரி, வடிவாம்பிகை
பாடியவர்கள்	சம்பந்தர் (1)         இன்று நன்று நாளை நன்று (2-99) அப்பர் (1)          நெற்றி மேல் கண்ணினான் (4-51)         சங்குலா முன்கை (5-78)         கண்டலஞ்ச்சேர் நெற்றிஇளம் (6-81
ஸ்தல மரம்
தீர்த்தம்
பண்	திருநேரிசை
குறிப்புகள்
பதிக பலன்	வினை நீங்கும்
வரிசை எண்.	51                                                               37/63

திருச்சிற்றம்பலம்

நெற்றிமேல் கண்ணி னானே 
          நீறுமெய் பூசி னானே
கற்றைப்புன் சடையி னானே 
          கடல்விடம் பருகி னானே
செற்றவர் புரங்கள் மூன்றும் 
          செவ்வழல் செலுத்தி னானே
குற்றமில் குணத்தி னானே 
          கோடிகா உடைய கோவே.  1

கடிகமழ் கொன்றை யானே 
          கபாலம் கையேந்தி னானே
வடிவுடை மங்கை தன்னை 
          மார்பிலோர் பாகத் தானே
அடியிணை பரவ நாளும் 
          அடியவர்க்கு அருள்செய் வானே
கொடியணி விழவ தோவாக் 
          கோடிகா உடைய கோவே.  2

நீறுமெய் பூசி னானே 
          நிழல்திகழ் மழுவி னானே
ஏறு உகந்து ஏறி னானே 
          இருங்கடல் அமுது ஒப் பானே
ஆறும் ஓர் நான்கு வேதம் 
          அறம் உரைத்து அருளி னானே
கூறும் ஓர் பெண்ணி னானே 
          கோடிகா உடைய கோவே.  3

காலனைக் காலாற் செற்று  அன்று 
          அருள்புரி கருணை யானே
நீலமார் கண்டத் தானே 
          நீண்முடி அமரர் கோவே
ஞாலமாம் பெருமை யானே 
          நளிரிளந் திங்கள் சூடும்
கோலமார் சடையி னானே 
          கோடிகா உடைய கோவே.  4

பூண் அரவு ஆரத் தானே 
          புலி உரி அரையி னானே
காணில்வெண் கோவ ணமும்
          கையில் ஓர் கபாலம் ஏந்தி
ஊணும் ஊர்ப் பிச்சை யானே 
          உமை ஒரு பாகத் தானே
கோணல் வெண் பிறையி னானே 
          கோடிகா உடைய கோவே.  5

கேழல்வெண் கொம்பு பூண்ட 
          கிளரொளி மார்பி னானே
ஏழையேன் ஏழை யேன்நான் 
          என்செய்கேன் எந்தை பெம்மான்
மாழையொண் கண்ணி னார்கள் 
          வலைதனில் மயங்கு கின்றேன்
கூழைஏ றுடைய செல்வா 
          கோடிகா உடைய கோவே.  6

அழல் உமிழ் அங்கை யானே 
          அரிவை ஓர் பாகத் தானே
தழல் உமிழ் அரவம் ஆர்த்துத் 
          தலைதனிற் பலிகொள் வானே
நிழல் உமிழ் சோலை சூழ 
          நீள்வரி வண்டி னங்கள்
குழல் உமிழ் கீதம் பாடும் 
          கோடிகா உடைய கோவே.  7

ஏவடு சிலையி னாலே 
          புரம் அவை எரிசெய் தானே
மாவடு வகிர்கொள் கண்ணாள் 
          மலைமகள் பாகத் தானே
ஆவடு துறை உளானே 
          ஐவரால் ஆட்டப் பட்டேன்
கோவடு குற்றம் தீராய் 
          கோடிகா உடைய கோவே.  8

ஏற்றநீர்க் கங்கை யானே 
          இருநிலந் தாவி னானும்
நாற்றமா மலர்மேல் ஏறும் 
          நான்முகன் இவர்கள் கூடி
ஆற்றலால் அளக்கல் உற்றார்க்கு  
          அழல் உரு வாயினானே
கூற்றுக்கும் கூற்று அதானாய் 
          கோடிகா உடைய கோவே.  9

பழகநான் அடிமை செய்வேன் 
          பசுபதீ பாவ நாசா
மழகளி யானை யின் தோல் 
          மலைமகள் வெருவப் போர்த்த
அழகனே அரக்கன் திண் தோள் 
          அருவரை நெரிய ஊன்றும்
குழகனே கோல மார்பா 
          கோடிகா உடைய கோவே.  10

திருச்சிற்றம்பலம்