திரு கோடிக்கா

                                                                            ௨ 

திருநாவுக்கரசு சுவாமிகள் அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு கோடிக்கா
ஊர்
நாடு	சோழ (காவிரி வட)
ॐசுவாமி	கோடீஸ்வரர்
ॐஅம்பிகை	திரிபுரசுந்தரி, வடிவாம்பிகை
பாடியவர்கள்	சம்பந்தர் (1)         இன்று நன்று நாளை நன்று (2-99) அப்பர் (1)          நெற்றி மேல் கண்ணினான் (4-51)         சங்குலா முன்கை (5-78)         கண்டலஞ்ச்சேர் நெற்றிஇளம் (6-81
ஸ்தல மரம்
தீர்த்தம்
பண்	திரு குறுந்தொகை
குறிப்புகள்
பதிக பலன்	வினை நீங்கும்
வரிசை எண்.	78                                                               37/63

திருச்சிற்றம்பலம்

சங்கு லாமுன்கைத் தையல் ஓர் பாகத்தன்
வெங்கு லாமத வேழம் வெகுண்டவன்
கொங்கு லாம் பொழில் கோடிகா வாவென
எங்கி லாததோர் இன்பம்வந்து எய்துமே.  1

வாடி வாழ்வது என் ஆவது மாதர்பால்
ஓடி வாழ்வினை உள்கிநீர் நாடொறும்
கோடி காவனைக் கூறீரேல் கூறினேன்
பாடி காவலிற்பட்டுக் கழிதிரே.  2

முல்லை நன்முறு வல்லுமை பங்கனார்
தில்லையம்பலத்தில் உறை செல்வனார்
தொல்லை ஏற்றினர் கோடிகா வா என்று அங்கு
ஒல்லை யேத்துவார்க்கு ஊனம் ஒன்று இல்லையே.  3

நாவ ளம்பெறு மாறுமம் நன்னுதல்
ஆமளம் சொல்லி அன்புசெ யின் அலால்
கோமளம் சடைக் கோடிகா வாவென
ஏவள் இன்று எனை ஏசும் அவ் ஏழையே.  4

வீறு தான்பெறுவார் சிலர் ஆகிலும்
நாறு பூங்கொன்றை தான்மிக நல்கானேல்
கூறு வேன்கோடி கா உளாய் என்றுமால்
ஏறு வேனும்மால் ஏசப் படுவனோ.  5

நாடி நாரணன் நான்முகன் வானவர்
தேடி யேசறவும் தெரியாததோர்
கோடி காவனைக்கூறாத நாளெலாம்
பாடி காவலிற் பட்டுக் கழியுமே.  6

வரங்க ளால்வரையை எடுத் தான் தனை
அரங்க ஊன்றி அருள் செய்த அப்பனூர்
குரங்கு சேர்பொழிற் கோடிகா வா என
இரங்கு வேன்மனத்து ஏதங்கள் தீரவே.  10

திருச்சிற்றம்பலம்

இப்பதிகத்தில் 7,8 & 9-ம் பாடல் கிடைக்கப்பெறவில்லை.