3.16 - வார சரம்

                                          

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	16
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	16. வார சரம்
பிற குறிப்புகள்	சரம் என்பது மூச்சின் இயக்கம். நாடிகளின் வழியே பிராணன் எந்த நாளில் இயங்குவது என கூறுதல்

திருச்சிற்றம்பலம்

வெள்ளிவெண் திங்கள் விளங்கும் புதனிடம்

ஒள்ளிய மந்தன் இரவிசெவ் வாய்வலம்

வள்ளிய பொன்னே வளரும் பிறை இடம் 

தெள்ளிய தேய்பிறை தான்வலம் ஆமே  1

வெள்ளிவெண் திங்கள் விளங்கும் புதன்மூன்று

தள்ளி இடத்தே தயங்குமே யாமாகில்

ஒள்ளிய காயத்துக் கூன மிலை என்று

வள்ளல் நமக்கு மகிழ்ந்து உரைத் தானே  2

செவ்வாய் வியாழம் சனிஞாயி றேஎன்னும்

இவ்வாறு அறிகின்ற யோகி இறைவனே

ஒவ்வாத வாயு வலத்துப் புரியவிட்டு

அவ்வாறு அறிவார்க்கு அவ்வானந்தம் ஆமே  3

மாறி வருமிரு பான்மதி வெய்யவன்

ஏறி இழியும் இடைபிங் கலையிடை

ஊறும் உயிர்நடு வே உயி ருக்கிரந்

தேறி அறிமின் தெரிந்து தெளிந்தே  4

உதித்து வலத்திடம் போகின்ற போது

அதிர்த்தஞ்சி யோடுத லாமகன் றாரும்

உதித்தது வேமிக ஓடிடும் ஆகில்

உதித்த இராசி உணர்ந்துகொ ளுற்றே  5

நடுவுநில் லாமல் இடம்வலம் ஓடி

அடுகின்ற வாயுவை அந்தணன் கூடி

இடுகின்ற வாறுசென் றின்பணி சேர

முடிகின்ற தீபத்தின் முன் உண்டு என்றானே  6

ஆயும் பொருளும் அணிமலர் மேலது

வாயு விதமும் பதினாறு உளவலி

போய மனத்தைப் பொருகின்ற ஆதாரம்

ஆயவும்  நாளும் முகுர்த்தமும் ஆமே