3.17 - வார சூலம்

                                           

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	17
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	17. வார சூலம்
பிற குறிப்புகள்	சூலம் என்பது குற்றம். பயணத்திற்கு உரியது ஆகாத தோஷம் பற்றி கூறல்

திருச்சிற்றம்பலம்

வாரத்திற் சூலம் வரும்வழி கூறுங்கால்

நேரொத்த திங்கள் சனிகிழக் கேயாகும்

பாரொத்த சேய்புதன் உத்தரம் பானுநாள்

நேரொத்த வெள்ளி குடக்காக நிற்குமே  1

தெக்கணம் ஆகும் வியாழத்துச் சேர்திசை

அக்கணி சூலமு மாம் இடம் பின்னாகில்

துக்கமும் இல்லை வலமுன்னே தோன்றிடின்

மிக்கது மேல்வினை மேன்மேல் விளையுமே  2