திரு பழமண்ணிப்புப் படிக்கரை

                                                                                     ௨ 

ஞானசம்பந்த மூர்த்தி சுவாமிகள்  அருளிச்செய்த
மூன்றாம்  திருமுறை

தகவல் பலகை	விவரம்
தலம்	திருப்பழ மண்ணிப்பு படிக்கரை
ஊர்/வேறு பெயர்
நாடு	சோழ (காவிரி வட)
ॐசுவாமி	நீலகண்டர்
ॐஅம்பிகை	அமிர்தசுரவல்லி
பாடியவர்கள்	சுந்தரர் (1)         முன்னவன் எண்கள் பிரான் (7-22)
ஸ்தல மரம்
தீர்த்தம்
பண்	நட்ட ராகம்
குறிப்புகள்	இறைவனின் பெருமையை போற்றிப் பாடிய பதிகம்
பதிக பலன்	துன்பம் இல்லாத வாழ்வு அமையும்
வரிசை எண்.	22                                                            30/63

திருச்சிற்றம்பலம்

முன்னவன் எங்கள்பிரான்
          முதல் காண்பது அரிதாய பிரான்
சென்னியில் எங்கள்பிரான்
          திருநீலமி டற்று எம்பிரான்
மன்னிய எங்கள்பிரான்
          மறை நான்கு கல்லால் நிழல் கீழ்ப்
பன்னிய எங்கள்பிரான்
          பழமண்ணிப் படிக்கரையே.  1

அண்ட கபாலஞ்சென்னி
          அடிமேல் அலரிட்டு நல்ல
தொண்டங் கடிபரவித்
          தொழுது ஏத்தி நின்று ஆடும் இடம்
வெண்டிங்கள் வெண்மழுவன்
          விரையார்கதிர் மூவிலைய
பண்டங்கன் மேயவிடம்
          பழமண்ணிப் படிக்கரையே.  2

ஆடுமின் அன்புடையீர்
          அடிக்கு ஆட்பட்ட தூளிகொண்டு
சூடுமின் தொண்டர் உள்ளீர்
          உமரோடு எமர் சூழவந்து
வாடும் இவ்வாழ்க்கை தன்னை
          வருந்தாமல் திருந்தச்சென்று
பாடுமின் பத்தருள்ளீர்
          பழமண்ணிப் படிக்கரையே.  3

அடுதலை யேபுரிந்தான்
          அவைஅந்தர மூவெயிலும்
கெடுதலை யேபுரிந்தான்
          கிளருஞ்சிலை நாணியிற்கோல்
நடுதலை யேபுரிந்தான்
          நரிகான்றிட்ட எச்சில்வெள்ளைப்
படுதலை யேபுரிந்தான்
          பழமண்ணிப் படிக்கரையே.  4

உங்கைக ளாற்கூப்பி
          உகந்து ஏத்தித் தொழுமின்தொண்டீர்
மங்கையோர் கூறுடையான்
          வானோர் முத லாயபிரான்
அங்கையில் வெண்மழுவன்
          அலையார்கதிர் மூவிலைய
பங்கய பாதனிடம்
          பழமண்ணிப் படிக்கரையே.  5

செடிபடத் தீவிளைத்தான்
          சிலையார்மதில் செம்புனஞ்சேர்
கொடிபடு மூரிவெள்ளை
          எருது ஏற்றையும் ஏறக்கொண்டான்
கடியவன் காலன் தன்னைக்
          கறுத்தான்கழற் செம்பவளப்
படியவன் பாசுபதன்பாசுபதம் என்பது அகப்புற சமயம்
          பழமண்ணிப் படிக்கரையே.  6

கடுத்தவன் தேர்கொண்டோடிக் 
          கயிலாயநன் மாமலையை
எடுத்தவன் ஈர் ஐந்துவாய்
          அரக்கன்முடி பத்து அலற
விடுத்தவன் கைநரம்பால்
          வேதகீதங்கள் பாடலுறப்
படுத்தவன் பால்வெண்ணீற்றன்
          பழமண்ணிப் படிக்கரையே.  7

திரிவன மும்மதிலும்
          எரித்தான்இமை யோர்பெருமான்
அரியவன் அட்டபுட்பம்
          அவைகொண்டு அடி போற்றிநல்ல
கரியவன் நான்முகனும்
          அடியும்முடி காண்பரிய    
பரியவன் பாசுபதன்
          பழமண்ணிப் படிக் கரையே.  8

வெற்றரைக் கற்ற அமணும்
          விரையாதுவிண் டாலமுண்ணும்
துற்றரைத் துற்று அறுப்பான்
          துன்னஆடைத் தொழில் உடையீர்
பெற்றரைப் பித்தர் என்று
          கருதேன்மின் படிக்கரையுள்
பற்றரைப் பற்றிநின்று
          பழிபாவங்கள் தீர்மின்களே.  9

பல்லுயிர் வாழும் தெண்ணீர்ப்
          பழமண்ணிப் படிக்கரையை
அல்லியந் தாமரைத்தார்
          ஆரூரன் உரைத்ததமிழ்
சொல்லுதல் கேட்டல்வல்லார்
          அவர்க்கும் தமர்க்கும் கிளைக்கும்
எல்லியும் நண்பகலும்
          இடர்கூருதல் இல்லை அன்றே.  10

திருச்சிற்றம்பலம்