திரு கழிப்பாலை

                                                                                           ௨ 

திருநாவுக்கரசர்  அருளிச்செய்த

ஆறாம் திருமுறை

தகவல் பலகை	விவரம்
தலம்	திருக்கழிப்பாலை
ஊர்/வேறு பெயர்
நாடு	சோழ (காவிரி வட)
ॐசுவாமி	பால் வண்ண நாதர்
ॐஅம்பிகை	வேத நாயகி
பாடியவர்கள்	சம்பந்தர் (2)     புனலாடியபுன் (2-21)     வெந்த குங்குலியப் புகை (3-44)     அப்பர் (5)     வனபவள வாய் திறந்து (4-006)     நங்கையைப் பாகம் வைத்தார் (4-30)     நெய்தற் குருகுதன் பிள்ளை (4-106)     வண்ணமும் வடிவும் சென்று (5-40)     ஊன் உடுத்தி ஒன்பது வாசல் (6-12) சுந்தரர் (1)         செடியேன் தீவினையில் தடுமாற(7-23)
ஸ்தல மரம்	வில்வம்
தீர்த்தம்	கொள்ளிடம்
பண்	நட்ட ராகம்
குறிப்புகள்	வால்மீகி முனிவர் வழிபட்டு பேறு பெற்றது
பதிக பலன்	தேவர் உலகத்தை ஆள்வார்
வரிசை எண்.	23                                                                   4/63

திருச்சிற்றம்பலம்

செடியேன் தீவினையில் 

          தடுமாறக் கண்டாலும்

அடியான் ஆவ எனா

          தொழிதல் தகவாமே

முடிமேல் மாமதியும்

          அரவும் உடன் துயிலும்

வடிவே தாம் உடையார்

          மகிழும் கழிப் பாலை அதே.  1

எங்கேனும் இருந்து உன்

          அடியேன் உனை நினைந்தால்

அங்கே வந்து என்னோடும்

          உடனாகி நின்று அருளி

இங்கே என் வினையை

          அறுத்திட்டு எனை ஆளும்

கங்கா நாயகனே

          கழிப்பாலை மேயானே.  2

ஒறுத்தாய் நின் அருளில்

          அடியேன் பிழைத்தனகள் பிழைத்தனைகள் - செய்த குற்றம்

பொறுத்தாய் எத்தனையும்

          நாயேனைப் பொருட்படுத்துச்

செறுத்தாய் வேலைவிடம் 

          மறியாமல் மறியாமல் - மாட்டேன் என்று மறுக்காமல் உண்டுகண்டம் 

கறுத்தாய் தண்கழனிக்

          கழிப்பாலை மேயானே.  3

சுரும்பார் விண்டமலர்

          அவைதூவித் தூங்குகண்ணீர்

அரும்பா நிற்குமனத்து 

          அடியாரொடும் அன்புசெய்வன்

விரும்பேன் உன்னை அல்லால்

          ஒருதெய்வம் என்மனத்தால் 

கரும்பாரும் கழனிக்

          கழிப்பாலை மேயானே.  4

ஒழிப்பாய் என்வினையை

          உகப்பாய் முனிந்து அருளித்

தெழிப்பாய் மோதுவிப்பாய்

          விலை ஆவணம் உ டையாய்

கழிப்பால் கண்டு அடங்கச்

          சுழியேந்து மாமறுகில் 

கழிப்பா லை மருவும் 

          கனல் ஏந்து கையானே.  5

ஆர்த்தாய் ஆடும் அரவை

          அரையார் புலி அதள் மேல் 

போர்த்தாய் ஆனையின் தோல்

          உரிவை புலால் நாறக்

காத்தாய் தொண்டு செய்வார்

          வினைகள் அவைபோகப்

பார்த்தாய் நுற்கிடமாம்

          பழியில்கழிப் பாலை அதே.  6

பருத்தாள் வன்பகட்டைப்

          படமாகமுன் பற்றி அதன் 

உரித்தாய் ஆனையின் தோல்

          உலகம் தொழும் உத்தமனே

எரித்தாய் முப்புரமும்

          இமையோர்கள் இடர்கடியும் 

கருத்தா தண்கழனிக்

          கழிப்பாலை மேயானே.  7

படைத்தாய் ஞாலம் எலாம்

          படர்புன்சடை எம்பரமா

உடைத்தாய் வேள்விதனை

          உமையாளை ஒர் கூறுடையாய்

அடர்த்தாய் வல்லரக்கன்

          தலை பத்தொடு தோள் நெரியக்

கடற் சாரும்  கழனிக்

          கழிப்பாலை மேயானே.  8

பொய்யா நாவதனால் 

          புகழ்வார்கள் மனத்தினுள்ளே

மெய்யே நின்று எரியும்

          விளக்கே ஒத்த தேவர்பிரான்

செய்யா னும் கரிய

          நிறத்தானும்  தெரிவு அரியான்

மையார் கண்ணியொடு

          மகிழ்வான் கழிப்பாலை அதே.  9

பழி சேரில் புகழான்

          பரமன் பரமேட்டி

கழியார் செல்வ மல்கும் 

          கழிப்பாலை மேயானைத்

தொழுவான் நாவலர்கோன்

          ஆரூரன் உரைத்ததமிழ்

வழுவா மாலைவல்லார்

          வானோர் உலகு ஆள்பவரே.  10

திருச்சிற்றம்பலம்