திரு ஆலவாய்

                

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	குறிஞ்சி
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   மங்கையர்கரசியாரை நோக்கி அஞ்ச வேண்டாம் என பாடி அருளிய பதிகம்
	இடர் நீங்கும்
வரிசை எண்.	94                                     30/127

திருச்சிற்றம்பலம்

மானின்நேர்விழி மாதராய்வழு 
          திக்குமாபெருந் தேவிகேள்
பானல் வாய் ஒரு பாலன் ஈங்கு இவன் 
          என்று நீ பரிவு எய்திடேல்
ஆனைமாமலை ஆதியாய 
          இடங்களிற்பல அல்லல்சேர்
ஈனர்கட்கு  எளியேன் அலேன் திரு 
          ஆலவாய் அரன் நிற்கவே.  1  

ஆகமத்தொடு மந்திரங்கள்
          அமைந்த சங்கத பங்கமாப்
பாகத் தொடு இரைத்து உரைத்த 
          சனங்கள்வெட்குறு பக்கமா
மாகதக்கரி போல்திரிந்து 
          புரிந்து நின்று உணும் மாசு சேர்
ஆகதர்க்கு  எளியேன் அலேன் திரு 
          ஆலவாய் அரன் நிற்கவே.  2  

அத்தகுபொருள் உண்டும் இல்லையும்
          என்று நின்றவர்க்கு அச்சமா
ஒத்து ஒவ்வாமை மொழிந்து வாதில் 
          அழிந்து எழுந்த கவிப்பெயர்ச்
சத்திரத்தின் மடிந்து  ஒடிந்து 
          சனங்கள்வெட்குற நக்கமே
சித்திரர்க்கு எளியேன் அலேன் திரு 
          ஆலவாய் அரன் நிற்கவே.  3  

சந்துசேனனும் இந்துசேனனும்
          தருமசேனனும் கருமைசேர்
கந்துசேனனும் கனகசேனனும் 
          முதலதாகிய பெயர்கொளா
மந்திபோல்திரிந்து ஆரியத்தொடு 
          செந்தமிழ்ப்பயன் அறிகிலா
அந்தகர்க்கு எளியேன் அலேன் திரு 
          ஆலவாய் அரன் நிற்கவே.  4  

கூட்டினார் கிளி யின்விருத்தம் 
          உரைத்ததோர் ஒலி யின்தொழிற்
பாட்டுமெய்சொலிப் பக்கமேசெலும் 
          எக்கர் தங்களைப் பல்லறம்
காட்டியே வரும் ஆடெலாங்கு அவர் 
          கையரைக்கசி ஒன்றிலாச்
சேட்டைகட்கு எளியேன் அலேன் திரு 
          ஆலவாய் அரன் நிற்கவே.  5  

கனகநந்தியும் புட்பநந்தியும் 
          பவணநந்தியும் குமணமா
சுனகநந்தியும் குனகநந்தியும் 
          திவணநந்தியும் மொழிகொளா
அனகநந்தியர் மது ஒழிந்தவமே 
          தவம்புரி வோம் எனும்
சினகருக்கு எளியேன் அலேன் திரு 
          ஆலவாய் அரன் நிற்கவே.  6  

பந்தணம் அவை ஒன்றிலம்பரி 
          ஒன்றிலம் என வாசக
மந்தணம் பல பேசி மாசு அறு 
          சீர்மையின்றிய நாயமே
அந்தணம் மருகந்தணம் மதி 
          புத்தணம் அது சித்தணச்
சிந்தணர்க்கு எளியேன் அலேன் திரு 
          ஆலவாய் அரன் நிற்கவே.  7  

மேல் எனக்கு எதிரில்லை என்ற 
          அரக்கனார்மிகை செற்றதீப்
போலியைப்பணி யக்கிலாது ஒரு 
          பொய்த்தவங்கொடு குண்டிகை
பீலிகைக்கொடு பாய் இடுக்கி 
          நடுக்கியேபிறர் பின்செலும்
சீலிகட்கு எளியேன் அலேன் திரு 
          ஆலவாய் அரன் நிற்கவே.  8  

பூமகற்கும் அரிக்கும் ஓர் வரு 
          புண்ணியன் அடி போற்றிலார்
சாம வத்தையினார்கள் போல் தலையைப்
          பறித்து ஒரு பொய்த்தவம்
வேமவத்தை செலுத்தி மெய்ப் பொடி 
          யட்டிவாய் சகதிக்கு நேர்
ஆம் அவர்க் எளியேன் அலேன் திரு 
          ஆலவாய்  அரன் நிற்கவே.  9  

தங்களுக்கும் அச் சாக்கியர்க்கும் 
          தரிப்பொணாத நற் சேவடி
எங்கள்நாயகன் ஏத்து ஒழிந்திடுக்கே 
          மடுத்தொரு பொய்த்தவம்
பொங்குநூல் வழியன்றியே  
          புலவோர்களைப் பழிக்கும் பொலா
அங்கதர்க்கு எளியேன் அலேன் திரு 
          ஆலவாய் அரன் நிற்கவே.  10  

எக்கராம் அமண் கையருக்கு எளியேன்
          அலேன் திரு ஆலவாய்ச்
சொக்கன் என் உள்ளிருக்கவே துளங்கும்  
          முடித் தென்னன் முன் இவை
தக்கசீர்ப் புகலிக்கு மன்தமிழ் 
          நாதன் ஞான சம்பந்தன் வாய்
ஒக்கவே உரை செய்தபத்தும் 
          உரைப்பவர்க்கு இடர் இல்லையே.

திருச்சிற்றம்பலம்