4.2 திருவிசைப்பா - பூந்துருத்தி நம்பி - கோயில்

  

௨ 

பூந்துருத்தி நம்பி - காட நம்பி-  அருளிச்செய்த
ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை காதலால் மெலியும் ஆற்றாமையை செவிலி விண்ணப்பிப்பதாக அமைந்து உள்ளது இது அந்தாதியாக அமைந்துள்ளது
பதிக பலன்	சிவகதி பெறுவர்.
வரிசை எண்.	4.2                                                    01/63

திருச்சிற்றம்பலம்

முத்து வயிரமணி மாணிக்க மாலைகண்மேல்
தொத்து மிளிர்வனபோல் தூண்டு விளக்கேய்ப்ப
எத்திசையும் வானவர்கள் ஏத்தும் எழில்தில்லை
அத்தனுக்கும் அம்பலமே  ஆடரங்கம் ஆயிற்றே.  1  

கடியார் கணம்புல்லர் கண்ணப்பர் என்று உன்
அடியார் அமர் உலகம் ஆளநீ ஆளாதே
முடியாமுத் தீவேள்வி மூவாயிரவரொடும்
குடிவாழ்க்கை கொண்டுநீ குலாவிக் கூத் தாடினையே.2  

அல்லியம் பூம்பழனத்து ஆமூர்நா வுக்கரசைச்
செல்ல நெறிவகுத்த சேவகனே ! தென்தில்லைக்
கொல்லை விடையேறி கூத்தாடு அரங்காகச்
செல்வம் நிறைந்தசிற்றம்பலமே சேர்ந்தனையே.  3  

எம்பந்த வல்வினை நோய் தீர்த்திட்டு எமை ஆளும்
சம்பந்தன் காழியர்கோன் தன்னையும் ஆட் கொண்டு அருளி
அம்புந்து கண்ணாளும் தானும் அணிதில்லைச்
செம்பொன்செய் அம்பலமேசேர்ந்திருக்கை ஆயிற்றே.4  

களையா உடலோடு சேரமான் ஆருரன்
விளையா மதமாறா வெள்ளானை மேல்கொள்ள
முளையா மதிசூடி மூவாயிரவரொடும்
அளையா விளையாடும் அம்பலம்நின் ஆடரங்கே.  5  

அகலோகம் எல்லாம் அடியவர்கள் தற்சூழப்
புகலோகம் உண்டு என்று புகுமிடம்நீ தேடாதே
புவலோக நெறிபடைத்த புண்ணியங்கள் நண்ணியசீர்ச்
சிவலோகம் ஆவதுவும் தில்லைச் சிற் றம்பலமே.  6  

களகமணி மாடம் சூளிகைசூழ் மாளிகைமேல்
அளகமதி நுதலார் ஆயிழையார் போற்றிசைப்ப
ஒளிகொண்ட மாமணிகள் ஓங்கிருளை ஆங்கு அகற்றும்
தெளிகொண்ட தில்லைச் சிற் றம்பலமே சேர்ந்தனையே.  7  

பாடகமும் நூபுரமும் பல்சிலம்பும் பேர்ந்து ஒலிப்பச்
சூடகக்கை நல்லார் தொழுது ஏத்தத் தொல் உலகில்
நாடகத்தின் கூத்தை நவிற்றும் அவர் நாள்தொறும்
ஆடகத்தால் மேய்ந்து அமைந்த அம்பலம்நின் ஆடரங்கே.8  

உருவத்து எரி உருவாய் ஊழிதோர் எத்தனையும்
பரவிக் கிடந்தயனும் மாலும் பணிந்து ஏத்த
இரவிக்கு நேராகி ஏய்ந்து இலங்கு மாளிகைசூழ்ந்து
அரவிக்கும் அம்பலமே ஆடரங்கம் ஆயிற்றே.  9  

சேடர் உறைதில்லைச்சிற்றம் பலத்தான்தன்
ஆடல் அதிசயத்தை ஆங்கு அறிந்து பூந்துருத்திக்
காடன் தமிழ் மாலை பத்தும் கருத்து அறிந்து
பாடும் இவைவல்லார் பற்றுநிலை பற்றுவரே

திருச்சிற்றம்பலம்