5.1 திருவிசைப்பா - கோயில் - கண்டராதித்தர்

   

௨ 

கண்டராதித்தர் -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை
	முத்தி பேறு கிடைக்கும்.
வரிசை எண்.	4.2                                                       01/63

திருச்சிற்றம்பலம்

மின்னார் உருவம் மேல்விளங்க 
          வெண்கொடி மாளி கைசூழப்
பொன்னார் குன்றம் ஒன்று வந்து 
          நின்றது போலும் என்னாத்
'தென்னா' என்று வண்டு பாடும் 
          தென்தில்லை அம்ப லத்துள்
என்னார் அமுதை எங்கள் 
          கோவை என்றுகொல் எய்துவதே  1  

ஓவா முத்தீ அஞ்சு வேள்வி 
          ஆறு அங்கம்  நான்மறையோர்
ஆவே படுப்பார் அந்த ணாளர் 
          ஆகுதி வேட்டு உயர் வார்
மூவா யிரவர் தங்க ளோடு 
          முன் அரங்கு ஏறிநின்ற
கோவே உன் தன் கூத்துக் காணக் 
          கூடுவது என்று கொலோ  2  

முத்தீ யாளர் நான் மறையர் 
          மூவா யிர வர்நின்னோடு
ஒத்தே வாழும் தன்மை யாளர் 
          ஓதிய நான்மறையைத்
'தெத்தே' என்று வண்டு பாடும் 
          தென்தில்லை அம்பலத்துள்
அத்தா உன் தன் ஆடல் காண 
          அணைவதும் என்றுகொலோ  3  

மானைப் புரையும் மடமென் 
          நோக்கி மாமலை யாளோடும்
ஆன் அஞ்சு ஆடும் சென்னி 
          மேலோர் அம்புலி சூடும்அரன்
தேனைப் பாலைத் தில்லை 
          மல்கு செம்பொனின் அம்பலத்துக்
கோனை ஞானக் கொழுந்து 
          தன்னைக் கூடுவது என்றுகொலோ  4  

களிவான் உலகில் கங்கை 
          நங்கை காதலனே ! அருள் என்று
ஒளிமால் முன்னே வரம்  
          கிடக்க உன் அடியார்க்கு அருளும்
தெளிவார் அமுதே ! தில்லை 
          மல்கு செம்பொனின் அம்பலத்துள்
ஒளிவான் சுடரே ! உன்னை 
          நாயேன் உறுவதும் என்றுகொலோ  5  

பாரோர் முழுதும் வந்து இறைஞ்சப் 
          பதஞ்சலிக்கு ஆட்டுகந்தான்
வாரார் முலையாள் மங்கை 
          பங்கன் மாமறையோர் வணங்கச்
சீரான் மல்கு தில்லைச் 
          செம்பொன் அம்பலத்து ஆடுகின்ற
காரார் மிடற்று எம் கண்டனாரைக் 
          காண்பதும் என்றுகொலோ  6  

இலையார் கதிர்வேல் இலங்கைவேந்தன் 
          இருபது தோளும்இற
மலைதான் எடுத்த மற்றவற்கு 
          வாளொடு நாள்கொடுத்தான்
சிலையால் புரமூன்று எய்த 
          வில்லி செம்பொனின் அம்பலத்துக்
கலையார் மறிபொன் கையினானைக்
          காண்பதும் என்றுகொலோ  7  

வெங்கோல் வேந்தன் தென்னன் 
          நாடும் ஈழமும் கொண்டதிறல்
செங்கோற் சோழன் கோழி 
          வேந்தன் செம்பியன் பொன் அணிந்த
அங்கோல் வளையார் பாடி ஆடும்
          அணிதில்லை அம்பலத்துள்
எங்கோன் ஈசன் எம் இறையை 
          என்றுகொல் எய்துவதே.  8  

நெடியா னோடு நான்முகனும் 
          வானவரும் நெருங்கி
முடியான் முடிகள் மோதி 
          உக்க முழுமணி யின்திரளை
அடியார் அலகி னால்திரட்டும் 
          அணிதில்லை அம்பலத்துக்கு
அடியார் கொன்றை மாலையானைக் 
          காண்பதும் என்றுகொலோ  9  

சீரான் மல்கு தில்லைச் 
          செம்பொன் அம்பலத்து ஆடிதன்னைக்
காரார் சோலைக் கோழி 
          வேந்தன் தஞ்சையர் கோன்கலந்த
ஆரா இன்சொற் கண்டராதித்தன் 
          அருந்தமிழ் மாலை வல்லார்
பேரா உலகிற் பெருமையோடும் 
          பேரின்பம் எய்துவரே

திருச்சிற்றம்பலம்