6.1 திருவிசைப்பா - கோயில் - வேனாட்டடிகள்

    

௨ 

வேணாட்டடிகள்  -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1)
ஸ்தல மரம்	தில்லை, ஆல்
தீர்த்தம்	சிவகங்கை
பண்	புறநீர்மை
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை
	இறை காட்சி காண
வரிசை எண்.	4.2                                                       01/63

திருச்சிற்றம்பலம்

துச்சான செய்திடினும் 
          பொறுப்பர் அன்றே ஆள் உகப்பார்
கைச்சாலும் சிறுகதலி 
          இலைவேம்பும் கறிகொள்வார்
எச்சார்வும் இல்லாமை 
          நீ அறிந்தும் எனதுபணி
நச்சாய்காண்; திருத்தில்லை 
          நடம்பயிலும் நம்பானே!  1  

தம் பானை சாய்ப்பு அற்றார் 
          என்னும் முதுசொல்லும்
எம்போல்வார்க்கு இல்லாமை 
          என் அளவே அறிந்து ஒழிந்தேன்
வம்பானார் பணிஉகத்தி 
          வழி அடியேன் தொழில் இறையும்
நம்பாய்காண் திருத்தில்லை 
          நடம்பயிலும் நம்பானே !  2  

பொசியாதோ கீழ்க்கொம்பு 
          நிறைகுளம்என் றதுபோலத்
திசைநோக்கிப் பேழ்கணித்துச் 
          சிவபெருமான் ஓஎனினும்
இசையானால் என்திறத்தும் 
          எனை உடையாள் உரையாடாள்
நசையானேன் திருத்தில்லை 
          நடம்பயிலும் நம்பானே !  3  

ஆயாத சமயங்கள் 
          அவரவர்கள் முன்பு என்னை
நோயோடு பிணிநலிய 
          இருக்கின்ற அதனாலே
பேயா இத் தொழும்பனைத்தம் 
          பிரான்இகழும் என்பித்தாய்
நாயேனைத் திருத்தில்லை 
          நடம்பயிலும் நம்பானே.  4  

நின்றுநினைந்து இருந்து கிடந்து 
          எழுந்து தொழும் தொழும்பனேன்
ஒன்றிஒரு கால்நினையாது
          இருந்தாலும் இருக்கவொட்டாய்
கன்றுபிரி கற்றாப்போல் 
          கதறுவித்தி வரவுநில்லாய்
நன்று இதுவோ திருத்தில்லை 
          நடம்பயிலும் நம்பானே.  5  

படுமதமும் மிடவயிறும் 
          உடையகளிறு உடையபிரான்
அடி அறிய உணர்த்துவதும் 
          அகத்தியனுக்கு ஓத்தது அன்றே
இடுவதுபுல் ஓர்எருதுக்கு 
          ஒன்றினுக்கு வையிடுதல்
நடுஇதுவோ திருத்தில்லை 
          நடம்பயிலும் நம்பானே.  6  

மண்ணோடு விண்ணளவும் 
          மனிதரொடு வானவர்க்கும்
கண்ணாவாய் கண்ணாகாது 
          ஒழிதலும்நான் மிகக்கலங்கி
அண்ணாவோ என்று அண்ணாந்து 
          அலமந்து விளித்தாலும்
நண்ணாயால் திருத்தில்லை 
          நடம்பயிலும் நம்பானே.  7  

வாடாவாய் நாப்பிதற்றி 
          உனைநினைந்து நெஞ்சு உருகி
வீடாஞ்செய் குற்றேவல் 
          எற்றே மற்று இதுபொய்யில்
கூடாமே கைவந்து 
          குறுகுமாறு யான்உன்னை
நாடாயால் திருத்தில்லை 
          நடம்பயிலும் நம்பானே.  8  

வாளாமால் அயன்வீழ்ந்து 
          காண்பரிய மாண்பிதனைத்
தோள் அரக்கையாரத் 
          துணையாரத் தொழுதாலும்
ஆளோநீ உடையதுவும் 
          அடியேன்உன் தாள்சேரும்
நாளேதோ திருத்தில்லை 
          நடம்பயிலும் நம்பானே.  9  

பாவார்ந்த தமிழ்மாலை 
          பத்தரடித் தொண்டன் எடுத்து
ஓவாதே அழைக்கின்றான் 
          என்று அருளின் நன்றுமிகத்
தேவேதென் திருத்தில்லைக் 
          கூத்தாடீ நாயடியேன்
சாவாயும் நினைக்காண்டல் 
          இனி உனக்குத் தடுப்பு அரிதே.

திருச்சிற்றம்பலம்