திரு நெல்வாயில் அரத்துறை

                         

௨ 

திருநாவுக்கரசர் சுவாமிகள் அருளிச்செய்த
ஐந்தாம்  திருமுறை

தகவல் பலகை	விவரம்
தலம்	திரு நெல்வாயில் அரத்துறை
ஊர் /வேறு பெயர்	தீர்த்தபுரி
நாடு	நடு நாடு
ॐசுவாமி	அரத்துறை நாதர், ஆனந்தீச்வரர்
ॐஅம்பிகை	அரத்துறை நாயகி, ஆனந்த நாயகி
பாடியவர்கள்	திருஞானசம்பந்தர் (1),         எந்தை ஈசன் எம் (2-90) அப்பர்(1)         கடவுளைக் கடலுள்  (5-3) சுந்தரர் (1)          கல் வாய் அகிலும் (7-3)
ஸ்தல மரம்	ஆல மரம்
தீர்த்தம்	நிவா நதி
பண்	திருக்குறுந்தொகை
குறிப்புகள்	திருஞானசம்பந்தருக்கு முத்து சிவிகை, மணிக்குடை, பொற்சின்னம்  அருளப் பெற்ற தலம்  வான்மீகி முனிவர், அரவான் வழிபட்ட தலம்  திரு அருள்துறை அரத்துறை என போற்றப் படுகிறது
பதிக பலன்	வழிபாடு சிறக்க
வரிசை எண்.	3                                                                 1/22

திருச்சிற்றம்பலம்

கடவுளைக் கடலுள் எழு நஞ்சு உண்ட 
உடலு ளானை ஒப் பார் இலாத எம்
அடலு ளானை அரத்துறை மேவிய
சுடரு ளானைக் கண்டீர் நாம் தொழுவதே.    1

கரும்பு ஒப்பானைக் கரும்பினில் கட்டியை
விரும்பு ஒபொப்பானை விண்ணோரும் அறிகிலா
அரும்பு ஒப் பானை அரத்துறை மேவிய
சுரும்பு ஒப் பானைக் கண் டீர்நாம் தொழுவதே.  2  

ஏறு ஒப் பானை எல்லா உயிர்க்கும் இறை
வேறு ஒப் பானைவிண்ணோரும் அறிகிலா
ஆறு ஒப் பானை அரத்துறை மேவிய
ஊறு ஒப்பானைக் கண்டீர்நாம் தொழுவதே.  3  

பரப்பு ஒப் பானைப்பகல் இருள் நன்னிலா
இரப்பு ஒப் பானை இளமதி சூடிய
அரப்பு ஒப் பானை அரத்துறை மேவிய
சுரப்பு ஒப் பானைக் கண்டீர்நாம்  தொழுவதே.  4  

நெய் ஒப்பானை நெய்யில் சுடர் போல்வதோர்
மெய் ஒப்பானை விண்ணோரும் அறிகிலார்
ஐ ஒப்பானை அரத்துறை மேவிய
கையொப் பானைக் கண்டீர் நாம் தொழுவதே.  5  

நிதி ஒப்பானை நிதியில் கிழவனை
விதி ஒப்பானை விண்ணோரும் அறிகிலார்
அதி ஒப்பானை அரத்துறை மேவிய
கதி ஒப்பானைக் கண்டீர் நாம் தொழுவதே.  6  

புனலொப் பானைப் பொருந்தலர் தம்மையே
மினலொப் பானை விண்ணோரும் அறிகிலார்
அனலொப் பானை  அரத்துறை மேவிய
கனலொப் பானைக் கண்டீர் நாம் தொழுவதே.  7  

பொன் ஒப்பானைப் பொன்னில் சுடர் போல்வதோர்
மின் ஒப்பானை விண்ணோரும் அறிகிலார்
அனல் ஒப் பானை அரத்துறை மேவிய
தன் ஒப் பானைக் கண்டீர் நாம் தொழுவதே.  8  

காழி யானைக் கனவிடை ஊருமெய்
வாழி யானை வல்லோரும் என்று இன்னவர்
ஆழியான் பிரமற்கும் அரத்துறை
ஊழி யானைக் கண்டீர் நாம் தொழுவதே.  9  

கலை ஒப்பானைக் கற்றார்க்கோர் அமுதினை
மலை ஒப்பானை மணிமுடி ஊன்றிய
அலை ஒப்பானை அரத்துறை மேவிய
நிலை ஒப்பானைக் கண்டீர் நாம் தொழுவதே.

திருச்சிற்றம்பலம்