திரு காளத்தி

    

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருக்காளத்தி
ஊர்	காலஹஸ்தி
நாடு	தொண்டை நாடு
ॐசுவாமி	காளத்திநாதர், குடும்பித் தேவர்
ॐஅம்பிகை	ஞானப் பூங்கோதை
பாடியவர்கள்	திருஞானசம்பந்தர்(2),         சந்தமார் அகிலோடு (3:36)         வானவர்கள் தான் அவர்கள்  (3:69) திருநாவுக்கரசர்(1),         விற்று ஊன் (6:8) சுந்தரர்(1)         செண்டாடும் விடையாய் (7:26)
ஸ்தல மரம்	மகிழ மரம்
தீர்த்தம்	பொன்முகலி
பண்	கொல்லி
குறிப்புகள்	பஞ்ச பூத தலங்களுள் வாயுத் தலம் கண்ணப்ப நாயனார் முத்தி தலம் முசுகுந்த சக்கரவர்த்தி, பரத்துவாச முனிவர், சிவகோசரியார் பூசித்து முத்தி பெற்றது
பதிக பலன்	தீவினை விலகும்.
வரிசை எண்.	7                                          தொண்டை நாடு -32/19

திருச்சிற்றம்பலம்

சந்தமார் அகிலொடு சாதி தேக்கு அம்மரம்
உந்துமா முகலியின் கரையினில் உமையொடும்
மந்தமார் பொழில்வளர் மல்குவண் காளத்தி
எந்தையார் இணையடி என்மனத்து உள்ளவே.  1  

ஆலமா மரவமோடு அமைந்த சீர்ச் சந்தனம்
சாலமா பீலியுஞ் சண்பகம் உந்தியே
காலமார் முகலிவந்தணைதரு காளத்தி
நீலமார் கண்டனைநினையுமா நினைவதே.  2  

கோங்கமே குரவமே கொன்றையம் பாதிரி
மூங்கில்வந் தணைதரு முகலியின் கரையினில்
ஆங்கமர் காளத்தியடிகளை அடிதொழ
வீங்குவெந் துயர்கெடும் வீடு எளி தாகுமே.  3  

கரும்புதேன் கட்டியும் கதலியின் கனிகளும்
அரும்புநீர் முகலியின்கரையினில் அணிமதி
ஒருங்குவார் சடையினன்காளத்தி ஒருவனை
விரும்புவார் அவர்கள் தாம் விண்ணும் ஆள்வரே.  4  

வரைதரும் அகிலொடு மாமுத்தம் உந்தியே
திரைதரு முகலியின் கரையினில் தேமலர்
விரைதரு சடைமுடிக் காளத்தி விண்ணவன்
நிரைதரு கழலிணை நித்தலும் நினைமினே.  5  

இப்பதிகத்தில் 6 மற்றும் 7-ம் பாடல் கிடைக்கப்பெறவில்லை. 

முத்துமா மணிகளும் முழுமலர்த் திரள்களும்
எத்துமா முகலியின் கரையினில் எழில்பெறக்
கத்திட அரக்கனைக் கால்விரல் ஊன்றிய
அத்தன் தன் காளத்திஅணைவது கருமமே.  8  

மண்ணுமா வேங்கையும் மருதுகள் பீழ்ந்துந்தி
நண்ணுமா முகலியின் கரையினில் நன்மைசேர்
வண்ணமா மலரவன் மாலவன் காண்கிலா
அண்ணலார் காளத்திஆங்கணைந்து உய்ம்மினே.  9  

வீங்கிய உடலினர் விரிதரு துவருடைப்
பாங்கிலார் சொலைவிடும் பரனடி பணியுமின்
ஓங்குவண் காளத்தி உள்ளமோடு உணர்தர
வாங்கிடும் வினைகளை வானவர்க்கு ஒருவனே.  10  

அட்டமா சித்திகள் அணைதரு காளத்தி
வட்டவார் சடையனை வயல் அணி காழியான்
சிட்டநான் மறைவல ஞானசம் பந்தன்சொல்
இட்டமாப் பாடுவார்க்கு இல்லையாம் பாவமே.

திருச்சிற்றம்பலம்