திரு காளத்தி

     

௨ 

சுந்தரமூர்த்திசுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருக்காளத்தி
ஊர்	காலஹஸ்தி
நாடு	தொண்டை நாடு
ॐசுவாமி	காளத்திநாதர், குடும்பித் தேவர்
ॐஅம்பிகை	ஞானப் பூங்கோதை
பாடியவர்கள்	திருஞானசம்பந்தர்(2),         சந்தமார் அகிலோடு (3:36)         வானவர்கள் தான் அவர்கள்  (3:69) திருநாவுக்கரசர்(1),         விற்று ஊன் (6:8) சுந்தரர்(1)         செண்டாடும் விடையாய் (7:26)
ஸ்தல மரம்	மகிழ மரம்
தீர்த்தம்	பொன்முகலி
பண்	நட்ட ராகம்
குறிப்புகள்	பஞ்ச பூத தலங்களுள் வாயுத் தலம் கண்ணப்ப நாயனார் முத்தி தலம் முசுகுந்த சக்கரவர்த்தி, பரத்துவாச முனிவர், சிவகோசரியார் பூசித்து முத்தி பெற்றது
பதிக பலன்	வினை நீங்கும்
வரிசை எண்.	7                                          தொண்டை நாடு -32/19

திருச்சிற்றம்பலம்

செண்டாடும் விடையாய் சிவனே என் செழுஞ்சுடரே
வண்டாருங் குழலாள் உமைபாகம் மகிழ்ந்தவனே
கண்டார் காதலிக்கும் கணநாதன் எம் காளத்தியாய்
அண்டா உன்னை அல்லால் அறிந்து ஏத்த மாட்டேனே.  1  

இமையோர் நாயகனே இறைவா என் இடர்த்துணையே
கமையார் கருணையினாய் கருமாமுகில் போல்மிடற்றாய்
உமையோர் கூறுடையாய் உருவேதிருக் காளத்தியுள்
அமைவே உன்னை அல்லால் அறிந்து ஏத்த  மாட்டேனே.  2  

படையார் வெண்மழுவா பகலோன்பல் உகுத்தவனே
விடையார் வேதியனே விளங்குங்குழைக் காதுடையாய்
கடையார் மாளிகைசூழ் கணநாதன் எம் காளத்தியாய்
உடையாய் உன்னை அல்லால் உகந்து ஏத்த மாட்டேனே.  3  

மறிசேர் கையினனே மதமா உரி போர்த்தவனே
குறியே என்னுடைய குருவே உன்குற் றேவல் செய்வேன்
நெறியே நின்று அடியார் நினைக்கும் திருக் காளத்தியுள்
அறிவே உன்னையல்லால் அறிந்து ஏத்த மாட்டேனே.  4  

செஞ்சேல் அன்னகண்ணார் திறத்தேகிடந் து உற்றலறி
நஞ்சேன் நானடியேன் நலம் ஒன்று அறியாமையினால்
துஞ்சேன் நான் ஒருகால் தொழுதே திருக் காளத்தியாய்
அஞ்சாது உன்னை  அல்லால் அறிந்து ஏத்த மாட்டேனே.  5  

பொய்யவன் நாயடியேன் புகவேநெறி ஒன்று அறியேன்
செய்யவ னாகி வந்து இங்கு இடரானவை தீர்த்தவனே
மெய்யவ னேதிருவேவிளங்குந்திருக் காளத்திஎன்
ஐயநுன் றன்னை அல்லால் அறிந்து ஏத்த மாட்டேனே.  6  

கடியேன் காதன்மையாற் கழற்போதறி யாதவென்னுள்
குடியாக் கோயில்கொண்ட குளிர்வார்சடை எம் குழகா
முடியால் வானவர்கள் முயங்குந்திருக் காளத்தியாய்
அடியேன் உன்னை அல்லால் அறியேன் மற்றொருவரையே.  7  

நீறார் மேனியனே நிமலாநினை யன்றிமற்றுக்
கூறேன் ஆவதனால் கொழுந்தே என் குணக்கடலே
பாறார் வெண் தலையில் பலிகொண்டு உழல் காளத்தியாய்
ஏறே உன்னை அல்லால் இனி ஏத்த மாட்டேனே.  8  

தளிர்போல் மெல்லடியாள் தனைஆகத் தமர்ந்து அருளி
எளிவாய் வந்து என் உள்ளம் புகுதவல்ல எம்பெருமான்
களியார் வண்டறையும் திருக்காளத்தி உள்ளிருந்த
ஒளியே உன்னை அல்லால் இனி ஒன்றும் உணரேனே.  9  

காரூரும்பொழில்சூழ் கணநாதன் எம் காளத்தியுள்
ஆரா வின் அமுதை அணி நாவல் ஆரூரன்சொன்ன
சீரூர் செந்தமிழ்கள் செப்புவார்வினை யாயினபோய்ப்
பேரா விண்ணுலகம்  பெறுவார்பிழைப்பு ஒன்றிலரே

திருச்சிற்றம்பலம்