10. திருப்பல்லாண்டு - சேந்தனார்

             

௨ 

சேந்தனார்      -  அருளிச்செய்த
திருப்பல்லாண்டு - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை பஞ்ச புரணாம் பாடும் போது இடம் பெறும்  தினசரி வழிபாட்டில் பாட வேண்டியது
பதிக பலன்	இறைவனை போற்றி பாடும் பாடல்
வரிசை எண்.	10.1                                                    01/63

திருச்சிற்றம்பலம்

மன்னுக தில்லை வளர்கநம்
          பத்தர்கள் வஞ்சகர் போய் அகல
பொன்னின்செய் மண்டபத்து உள்ளே புகுந்து
          புவனி எல்லாம் விளங்க
அன்னநடை மடவாள் உமைகோன் 
          அடியோம் உமக்கு அருள் புரிந்து
பின்னைப் பிறவி அறுக்க நெறிதந்த 
          பித்தற்குப் பல்லாண்டு கூறுதுமே.  1  

மிண்டு மனத்தவர் போமின்கள் 
          மெய் அடியார்கள் விரைந்து வம்மின்
கொண்டும் கொடுத்தும் குடிகுடி 
          ஈசற்குஆட் செய்மின் குழாம்புகுந்து
அண்டம் கடந்த பொருள் 
          அளவில்லதோர் ஆனந்த வெள்ளப்பொருள்
பண்டும் இன்றும் என்றும் உள்ளபொருள் 
          என்றே பல்லாண்டு கூறுதுமே.  2 

நிட்டையிலா உடல் நீத்து என்னை 
          ஆண்ட நிகர் இலா வண்ணங்களும் 
சிட்டன் சிவன் அடியாரைச் 
          சீராட்டும் திறங்களுமே சிந்தித்து
அட்ட மூர்த்திக்கு என் அகம்நெக 
          ஊறும் அமிர்தினுக்கு ஆலநீழற்
பட்டனுக்கு என்னைத்தன் பாற்படுத் 
          தானுக்கே பல்லாண்டு கூறுதுமே.  3  

சொல் ஆண்ட சுருதிப் பொருள் 
          சோதித்த தூய்மனத் தொண்டர் உள்ளீர்
சில்லாண்டிற் சிதை யும்சில 
          தேவர் சிறுநெறி சேராமே
வில்லாண்ட கன கத்திரள் 
          மேரு விடங்கன் விடைப்பாகன்
பல்லாண்டு என்னும் பதம் கடந்தானுக்கே  
          பல்லாண்டு கூறுதுமே.  4  

புரந்தரன் மால் அ யன் பூசலிட்டு
          ஓலமிட்டு இன்னம் புகல் அ ரிதாய்
இரந்திரந்து அழைப்ப என் உயிற் ஆண்ட
          கோவினுக்கு என்செய வல்லம் என்றும்
கரந்தும்  கரவாத கற்பகனாகிக் 
          கரையில் கருணைக்கடல்
பரந்தும் நிரந்தும் வரம்பிலாப்
          பாங்கற்கே பல்லாண்டு கூறுதுமே.  5  

சேவிக்க வந்த அயன் இந்திரன்
          செங்கண்மால் எங்கும்திசை திசையன
கூவிக் கவர்ந்து நெருங்கிக்
          குழாம்குழா மாய் நின்று கூத்தாடும்
ஆவிக்கு அமுதைஎன் ஆர்வத்
          தனத்தினை அப்பனை ஒப்பமரர்
பாவிக்கும் பாவகத்து அப்புறத்
          தானுக்கே பல்லாண்டு கூறுதுமே.  6  

சீரும் திருவும் பொலியச் 
          சிவலோக நாயகன் சேவடிக்கீழ்
ஆரும் பெறாத அறிவு பெற்றேன் 
          பெற்றதார் பெறுவார் உலகில்
ஊரும் உலகும் கழற உழறி 
          உமைமண வாளனுக்கு 
ஆட்பாரும் விசும்பும் அறியும் 
          பரிசுநாம் பல்லாண்டு கூறுதுமே.  7  

சேலும் கயலும் திளைக்கும் 
          கண்ணார்இளங் கொங்கையில் செங்குங்குமம்
போலும் பொடியணி மார்பிலங்கும்  
          என்று புண்ணியர் போற்றி இசைப்ப
மாலும் அயனும் அறியா 
          நெறி தந்துவந்து என் மனத்தகத்தே
பாலும் அமுதமும் ஒத்து 
          நின்றானுக்கே பல்லாண்டு கூறுதுமே.  8  

பாலுக்குப் பாலகன் வேண்டி 
          அழுதிடப் பாற்கடல் ஈந்தபிரான்
மாலுக்குச் சக்கரம் அன்று அருள் 
          செய்தவன் மன்னிய தில்லைதன்னுள்
ஆலிக்கும் அந்தணர் வாழ்கின்ற 
          சிற்றம் பலமே இடமாகப்
பாலித்து நட்டம் பயில 
          வல்லானுக்கே பல்லாண்டு கூறுதுமே.  9  

தாதையைத் தாளற வீசிய 
          சண்டிக்கு இவ் அண்டத்தொடும் உடனே
பூதலத் தோரும் வணங்கப்பொற் 
          கோயிலும் போனகமும் அருளிச்
சோதி மணிமுடித் தாமமும் 
          நாமமும் தொண்டர்க்கு நாயகமும்
பாதகத் துக்குப் பரிசு 
          வைத்தானுக்கே பல்லாண்டு கூறுதுமே.  10  

குழல் ஒலி யாழ் ஒலி கூத்து ஒலி 
          ஏத்து ஒலி எங்கும் குழாம்பெருகி
விழவு ஒலி விண் அளவும் சென்று 
          விம்மி மிகுதிரு ஆரூரின்
மழவிடை யாற்கு வழிவழி 
          யாளாய் மணஞ்செய் குடிப்பிறந்த
பழ அடியாரொடும் கூடி 
          எம்மானுக்கே பல்லாண்டு கூறுதுமே.  11  

ஆரார் வந்தார் அமரர் 
          குழாத்தில் அணியுடை ஆதிரைநாள்
நாராயணனொடு நான்முகன் 
          அங்கி இரவியும் இந்திரனும்
தேரார் வீதியில் தேவர் குழாங்கள் 
          திசை அனைத்தும் நிறைந்து
பாரார் தொல்புகழ் பாடியும் 
          ஆடியும் பல்லாண்டு கூறுதுமே.  12  

எந்தை எந்தாய் சுற்றம் முற்றும் 
          எமக்கு அமுதாம் எம்பிரான் என்றென்று
சிந்தை செய்யும் சிவன்சீர் 
          அடியார் அடிநாய் செப்புறை
அந்தமில் ஆனந்தச் சேந்தன் 
          எனைப்புகுந்து ஆண்டு கொண்டு ஆருயிர்மேல்
பந்தம் பிரியப் பரிந்தவனே 
          என்று பல்லாண்டு கூறுதுமே

திருச்சிற்றம்பலம்