9.1 திருவிசைப்பா - சேதிராயர்

            

௨ 

சேதிராயர்     -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை காதலால் மெலியும் ஆற்றாமையை செவிலி விண்ணப்பிப்பதாக அமைந்து உள்ளது இது அந்தாதியாக அமைந்துள்ளது
பதிக பலன்	சிவகதி பெறுவர்.
வரிசை எண்.	9.1                                                    01/63

திருச்சிற்றம்பலம்

சேல் உலாம்வயல் தில்லை உளீர்உமைச்
சால நாள்அயன் சார்வதி னால்இவள்
வேலை யார்விடம் உண்டு உகந்தீர் என்று
மால் அது ஆகும் என் வாணுதுலே.  1  

வாணு தற்கொடி மாலது வாய்மிக
நாணம் அற்றனள் நான்அறி யேன்இனிச்
சேணு தற்பொலி தில்லை உளீர்உமை
காணில் எய்ப்பிலள் காரிகையே.  2  

காரி கைக்குஅருளீர் கருமால் கரி
ஈர் உரித்து எழு போர்வையினீர் மிகு
சீரி யல்தில்லை யாய்சிவ னே என்று
வேரி நற்குழலாள் இவள்விம்முமே.  3  

விம்மி விம்மியே வெய்துயிர்த்து ஆளெனா
உம்மையே நினைந்து ஏத்தும் ஒன்று ஆகிலள்
செம்ம லோர்பயில் தில்லை உளீர் எங்கள்
அம்மல் ஓதி அயர்வு உறுமே.  4  

அயர்வுற்று அஞ்சலி கூப்பி அந்தோஎனை
உயவுன் கொன்றையந் தார்அருளாய்எனும்
செயல் உற்றார் மதில் தில்லை உளீர்இவண்
மயல் உற்றாள் என்தன் மாது இவளே.  5  

மாதொர் கூறன்வண் டார்கொன்றை மார்பன்என்று
ஓதில் உய்வன்ஒண் பைங்கிளி யேஎனும்
சேதித் தீர்சிரம் நான்முக னைத்தில்லை
வாதித் தீர்என்மடக் கொடியையே.  6  

கொடியைக் கோமளச் சாதியைக் கொம்பு இளம்
பிடியை என்செய்திட்டீர் பகைத் தார்புரம்
இடியச் செஞ்சிலை கால்வளைத் தீர்என்று
முடியும் நீர்செய்த மூச்சறவே.  7  

அறவ னேஅன்று பன்றிப் பின்ஏகிய
மறவ னேஎனை வாதைசெய் யேல்எனும்
சிறைவண் டார்பொழில் தில்லை உளீர்எனும்
பிறைகு லாம்நுதற் பெய்வளையே.  8  

அன்ற அருக்கனைப் பல் இறுத்து ஆனையைக்
கொன்று காலனைக் கோள் இழைத் தீர்எனும்
தென்ற லார்பொழில் தில்லை உளீர்இவள்
ஒன்றும் ஆகிலள் உம்பொருட்டே.  9  

ஏயு மாறு எழில் சேதிபர் கோன்தில்லை
நாய னாரை நயந்து உரை செய்தன
தூய வார் உரைப் பார்துறக் கத்திடை
ஆய இன்பம் எய்தி இருப்பரே.

திருச்சிற்றம்பலம்