7.3 திருவிசைப்பா - திருவாலியமுதனார்

       

௨ 

திருவாலியமுதனார்   -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	நட்ட ராகம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை
பதிக பலன்	பாவங்கள் ஒழியும்
வரிசை எண்.	7.3                                                       01/63

திருச்சிற்றம்பலம்

அல்லாய்ப் பகலாய் அருவாய் 
          உருவாய் ஆரா அமுதமாய்க்
கல்லால் நிழலாய் கயிலை 
          மலையாய் காண அருள் என்று
பல்லா யிரம்பேர் பதஞ்சலிகள் 
          பரவ வெளிப்பட்டுச்
செல்வாய் மதில் தில்லைக்கு
          அருளித் தேவன் ஆடுமே  1  

அன்ன நடையார் அமுத 
          மொழியார் அவர்கள் பயில்தில்லைத்
தென்னன் தமிழும் இசையும் 
          கலந்த சிற்றம் பலம் தன்னுள்
பொன்னும் மணியும் நிரந்த 
          தலத்துப் புலித்தோல் பியற்கிட்டு
மின்னின் இடையாள் உமையாள் 
          காண விகிர்தன் ஆடுமே.  2  

இள மென்முலையார் எழில்  
          மைந்தரொடும் ஏரார் அமளிமேல்
திளையும் மாடத்திருவார் தில்லைச் 
          சிற்றம் பலம் தன்னுள்
வளர்பொன் மலையுள் வயிர 
          மலைபோல் வலக்கை கவித்துநின்று
அளவில் பெருமை அமரர் 
          போற்ற அழகன் ஆடுமே.  3  

சந்தும் அகிலும் தழைப்ப
          பீலிகளும் சாதி பலவுங்கொண்டு
உந்தி இழியும் நிவவின் 
          கரைமேல் உயர்ந்த மதில்தில்லைச்
சிந்திப் பரிய தெய்வப் 
          பதியுள் சிற்றம் பலம் தன்னுள்
நந்தி முழவம் கொட்ட 
          நட்டம் நாதன் ஆடுமே.  4  

ஓமப் புகையும் அகிலின் 
          புகையும் உயர்ந்துமுகில்தோயத்
தீமெய்த் தொழிலார் மறையோர் 
          மல்கு சிற்றம் பலம் தன்னுள்
வாமத்து எழிலார் எடுத்த 
          பாதம் மழலைச் சிலம்பார்க்கத்
தீமெய்ச் சடைமேல் திங்கள் 
          சூடித் தேவன் ஆடுமே.  5  

குரவம் கோங்கம் குளிர்புன்னை 
          கைதை குவிந்த கரைகள்மேல்
திரைவந்து உலவும் தில்லை 
          மல்கு சிற்றம் பலம் தன்னுள்
வரைபோல் மலிந்த மணி 
          மண்டபத்து மறையோர் மகிழ்ந்து ஏத்த
அரவம் ஆட அனல்கை 
          ஏந்தி அழகன் ஆடுமே.  6  

சித்தர் தேவர் இயக்கர் 
          முனிவர் தேனார் பொழில்தில்லை
அத்தா! அருளாய் அணி 
          அம்பலவா! என்றென்று அவர் ஏத்த
முத்தும் மணியும் நிரந்த 
          தலத்துள் முளைவெண் மதிசூடிக்
கொத்தார் சடைகள் தாழ 
          நட்டம் குழகன் ஆடுமே.  7  

அதித்த அரக்கன் நெரிய 
          விரலால் அடர்த்தாய் அருள் என்று
துதித்து மறையோர் வணங்கும் 
          தில்லைச் சிற்றம் பலம் தன்னுள்
உதித்த போழ்தில் இரவிக் 
          கதிர்போல் ஒளிர்மா மணி எங்கும்
பதித்த தலத்துப் பவள 
          மேனிப் பரமன் ஆடுமே.  8  

மாலோடு அயனும் அமரர் 
          பதியும் வந்து வணங்கிநின்று
ஆல கண்டா ! அரனே ! 
          அருளாய் என்றென்று அவர் ஏத்தச்
சேல் ஆடும்வயல் தில்லை 
          மல்கு சிற்றம் பலம் தன்னுள்
பாலா டுமுடிச் சடைகள் 
          தாழப் பரமன் ஆடுமே.  9  

நெடிய சமணும் அறைசாக்கியரும்  
          நிரம்பாப் பல்கோடிச்
செடியும் தவத்தோர் அடையாத் 
          தில்லைச் சிற்றம் பலம் தன்னுள்
அடிகள் அவரை ஆரூர் 
          நம்பி அவர்கள் இசைபாடக்
கொடியும் விடையும் உடைய 
          கோலக் குழகன் ஆடுமே.  10  

வானோர் பணிய மண்ணோர் 
          ஏத்த மன்னி நடமாடும்
தேனார் பொழில்சூழ் தில்லை 
          மல்கு சிற்றம்பலத் தானைத்
தூநான் மறையான் அமுத 
          வாலி சொன்ன தமிழ்மாலைப்
பானேர் பாடல் பத்தும் 
          பாடப் பாவ நாசமே.

திருச்சிற்றம்பலம்