7.4 திருவிசைப்பா - திருவாலியமுதனார்

        

௨ 

திருவாலியமுதனார்   -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை
பதிக பலன்	சிவ கதி பெற
வரிசை எண்.	7.4                                                       01/63

திருச்சிற்றம்பலம்

கோல மலர்நெடுங்கண் கொவ்வை 
          வாய்க்கொடி ஏரிடையீர்
பாலினை இன் அமுதைப் 
          பரமாய பரஞ்சுடரைச்
சேல் உகளும் வயல்சூழ் தில்லை 
          மாநகர்ச் சிற்றம்பலத்து
ஏலவுடை எம்இறையை 
          என்றுகொல் காண்பதுவே.  1  

காண்பதி யான் என்றுகொல் 
          கதிர்மாமணி யைக்கனலை
ஆண்பெண் அரு உரு என்று 
          அறிதற்கு அரி தாயவனைச்
சேண்பணை மாளிகைசூழ் 
          தில்லைமாநகர்ச் சிற்றம்பலம்
மாண்புடை மாநடம் செய் மறையோன் 
          மலர்ப் பாதங்களே.  2  

கள் அவிழ் தாமரைமேல் 
          கண்டு அயனொடு மால்பணிய
ஒள் எரி யின்நடுவே உருவாய்ப்பரந்து  
          ஓங்கிய சீர்த்
தெள்ளிய தண் பொழில் சூழ் 
          தில்லைமாநகர்ச் சிற்றம்பலத்து 
உள் எரி ஆடுகின்ற 
          ஒருவனை உணர்வு அரிதே.  3  

அரிவையோர் கூறு உகந்தான் அழகன் 
          எழில் மால்கரியின்
உரிவைநல் உத்தரியம் 
          உகந்தானும் பரார் தம்பிரான்
புரிபவர்க்கு இன் அருள்செய் 
          புலியூர்த் திருச்சிற்றம்பலத்து
எரிமகிழ்ந்து ஆடுகின்ற 
          எம்பிரான்என் இறையவனே.  4  

இறைவனை என்கதியை 
          என் உள்ளே உயிர்ப்பாகி நின்ற
மறைவனை மண்ணும் விண்ணும் 
          மலிவான் சுடராய் மலிந்த
சிறையணி வண்டு அறையும் தில்லை 
          மாநகர்ச் சிற்றம்பலம்
நிறையணி யாம் இறையை 
          நினைத்தேன் இனிப் போக்குவனே.  5  

நினைத்தேன் இனிப்போக்குவனோ நிமலத் 
          திரளை நினைப்பார்
மனத்தி னுளே இருந்த 
          மணியைமணி மாணிக்கத்தைக்
கனைத்து இழியும் கழனிக் 
          கனகங்கதிர் ஒண்பவளம்
சினத்தோடு வந்து எறியும் 
          தில்லை மாநகர்க் கூத்தனையே.  6  

கூத்தனை வானவர்தம் கொழுந்தைக் 
          கொழுந்தாய் எழுந்த
மூத்தனை மூ உருவின் 
          முதலைமுத லாகிநின்ற
ஆத்தனைத் தான்படுக்கும் அந்தணர் 
          தில்லை அம்பலத்துள்
ஏத்த நின்று ஆடுகின்ற 
          எம்பிரான் அடி சேர்வன்கொலோ  7  

சேர்வன்கொலோ அன்னைமீர் 
          திகழும்மலர்ப் பாதங்களை
ஆர்வம் கொளத் தழுவி அணிநீறு
          என் முலைக்கணியச்
சீர்வங்கம் வந்தணவும் 
          தில்லைமாநகர்ச் சிற்றம்பலத்து
ஏர்வங்கை மான்மறியன் எம்பிரான் 
          என்பால் நேசனையே.  8  

நேசம் உடையவர்கள் நெஞ்சுளே 
          இடம் கொண்டு இருந்த
காய் சினமால் விடையூர் 
          கண்ணுதலைக் காமருசீர்த்
தேசமிகு புகழோர் 
          தில்லைமாநகர்ச் சிற்றம்பலத்து
ஈசனை எவ்வுயிர்க்கும் 
          எம் இறைவன் என்று ஏத்துவனே.  9  

இறைவனை ஏத்துகின்ற 
          இளையாள்மொழி இன் த்மிழால்
மறைவல நாவலர்கள் 
          மகிழ்ந்து ஏத்து சிற்றம்பலத்தை
அறைசெந்நெல் வான்கரும்பின் 
          அணி ஆலைகள் சூழ்மயிலை
மறைவல ஆலிசொல்லை 
          மகிழ்ந்து ஏத்துக வான் எளிதே.

திருச்சிற்றம்பலம்