7.1 திருவிசைப்ப - கோயில் - திருவாலியமுதனார்

     

௨ 

திருவாலியமுதனார்   -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை பாதாதி கேசம் (அடி முதல் முடி வரை) போற்றி பாடும் பாடல் வட மொழி பூசையில், அங்க பூஜை என சொல்வது உண்டு
பதிக பலன்	திருவடிப் பேறு பெற
வரிசை எண்.	7.1                                                       01/63

திருச்சிற்றம்பலம்

திருவடிகள்

மையல் மாது ஒரு கூறன் மால் 
          விடைஏறி மான்மறி ஏந்தியதடம்
கையன் கார்புரை யும்கறைக் 
          கண்டன் கனல்மழுவான்
ஐயன் ஆரழல் ஆடு வான்அணி 
          நீர்வயல் தில்லை அம்பலத்தான்
செய்ய பாதம் வந்து என் 
          சிந்தை உள்ளிடம் கொண்டனவே.  1  

கிண்கிணி

சலம்பொற் றாமரை தாழ்ந்து எழுந்த 
          தடமும் தடம்புனல் வாய்மலர் தழீஇ
அலம்பி வண்டறையும் அணியார்  
          தில்லை அம்பலவன்
புலம்பி வானவர் தானவர் புகழ்ந்து
          ஏத்த ஆடுபொற் கூத்தனார் கழல்
சிலம்பு 'கிண்கிணி' என் 
          சிந்தையுள்ளிடம்  கொண்டனவே.  2  

திருத்துடை

குருண்ட வார்குழல் கோதை மார்குயில் 
          போன்மிழற்றிய கோல மாளிகை
திரண்ட தில்லை தன்னுள் 
          திருமல்கு சிற்றம் பலவன்
மருண்டு மாமலை யான்மகள் தொழ 
          ஆடும் கூத்தன் மணிபுரை தரு
திரண்ட வான் குறங்கு என் சிந்தை 
          உள்ளிடம் கொண்டனவே.  3  

பூணூல், கச்சு.

போழ்ந்தி யானை தன்னைப் பொருப்பன் 
          மகள்உமை அச்சங் கண்டவன்
தாழ்ந்த தண்புனல்சூழ் 
          தடமல்கு சிற்றம்பலவன்
சூழ்ந்த பாய்புலித் தோல்மிசைத் தொடுத்து 
          வீக்கும் பொன்நூல் தன்னினொடு
தாழ்ந்த கச்ச தன்றே 
          தமியேனைத் தளர்வித்ததே.  4  

திருமேனி, வயிறு, உந்தி

பந்த பாசமெலாம்அறப் பசுபாசம் 
          நீக்கிய பன்முனிவரோடு
அந்தணர் வணங்கும் அணியார் 
          தில்லை அம்பலவன்
செந்தழல் புரைமேனியும் திகழும் 
          திருவயிறும் வயிற்றினுள்
உந்திவான்சுழி என்உள்ளத்து
          உள்ளிடம்கொண்டனவே.  5  

அணிகள்

குதிரை மாவொடு தேர்பல குவிந்து
          ஈண்டு தில்லையுள் கொம்ப னாரொடு
மதுரவாய் மொழியார்  
          மகிழ்ந்து ஏத்து சிற்றம் பலவன்
அதிர வார்கழல் வீசி நின்றழ 
          காநடம்பயில் கூத்தன் மேல்திகழ்
உதர பந்தனம் என் உள்ளத்து  
          உள்ளிடங் கொண்டனவே.  6  

திருக்கைகள் முதலியன

படங்கொள் பாம்பணை யானொடு 
          பிரமன் பரம்பரமா அருள் என்று
தடங்கையால் தொழவும் 
          தழலாடு சிற்றம்பலவன்
தடங்கை நான்கும்அத் தோள்களும் 
          தடமார்பினில் பூண்கள் மேற்றிசை
விடங்கொள் கண்டம் அன்றே 
          வினையேனை மெலிவித்தவே.  7  

பல், காது முதலியன

செய்ய கோடுடன் கமலமலர் சூழ்தரு 
          தில்லை மாமறை யோர்கள் தாம் தொழ
வையம் உய்யநின்று  
          மகிழ்ந்து ஆடு சிற்றம் பலவன்
செய்யவாயின் முறுவலும் திகழும் திருக்காதும் 
          காதினின் மாத்திரைகளோடு
ஐய தோடும் அன்றே 
          அடியேனை ஆட்கொண் டனவே.  8  

திருமுகம் முதலியன

செற்றுவன் புரந்தீ எழச்சிலை கோலி 
          ஆர் அழல் ஊட்டினான் அவன்
எற்றி மாமணிகள் எறிநீர்த் 
          தில்லை அம்பலவன்
மற்றை நாட்டம் இரண்டொடு 
          மலரும் திருமுக மும் முகத்தினுள் 
நெற்றி நாட்டம் அன்றே 
          நெஞ்சு ளேதிளைக் கின்றனவே.  9  

திருமுடி

தொறுக்கள் வான்கமல மலர்உழக்கக் 
          கரும்பு நற்சாறு பாய்தர
மறுக்கமாய்க் கயல்கள் மடைபாய் 
          தில்லை அம்பலவன்
முறுக்கு வார்சிகை தன்னொடு முகிழ்த்தஅவ் 
          அகத்து மொட்டொடு மத்தமும்
பிறைக்கொள் சென்னி அன்றே 
          பிரியாது என்னுள் நின்றனவே.  10  

தூவி நீரொடு பூஅவை தொழுது 
          ஏத்து கையினர் ஆகி மிக்கதோர்
ஆவி உள்நிறுத்தி அமர்ந்து ஊறிய 
          அன்பினராய்த்
தேவர் தாம் தொழ ஆடிய தில்லைக் 
          கூத்தனைத் திருவாலி சொல் இவை
மேவ வல்லவர்கள்  
          விடையான்அடி மேவுவரே.

திருச்சிற்றம்பலம்