8.1 - திருவிசைப்பா புருடோத்தம நம்பி

         

௨ 

புருடோத்தம நம்பி    -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை இது அந்தாதியாக அமைந்துள்ளது
பதிக பலன்	மகிழ்ச்சியான வாழ்வு அமைய
வரிசை எண்.	8.1                                                    01/63

திருச்சிற்றம்பலம்

வாரணி நறுமலர் வண்டு கெண்டு
           பஞ்சமம் செண்பக மாலைமாலை
வாரணி வனமுலை மெலியும் வண்ணம்
           வந்து வந்திவைநம்மை மயக்குமாலோ
சீரணி மணிதிகழ் மாடம் ஓங்கு
           தில்லையம்பலத்து எங்கள் செல்வன் வாரான்
ஆர் எனை அருள்புரிந்து அஞ்சல் என்பார்
           ஆவியின் பரம்என் தன் ஆதரவே.  1  

ஆவியின் பரம்என்றன் ஆதரவும்
           அருவினையேனை விட்டு அம்மஅம்ம
பாவி வன் மனமிது பையவே போய்ப்
           பனிமதிச் சடையான் பாலதாலோ
நீவியும் நெகிழ்ச்சியும் நிறை அழிவும்
           நெஞ்சமும் தஞ்சம் இலாமையாலே
ஆவியின் வருத்தம் இது யார் அறிவார்
           அம்பலத்து அருள்நடம் ஆடுவானே.  2  

அம்பலத்து அருள்நடம் ஆடவேயும்
           யாதுகொல் விளைவது என்று அஞ்சிநெஞ்சம்
உம்பர்கள் வன்பழி யாளர்முன்னே
           ஊட்டினர் நஞ்சைஎன் றேயும் உய்யேன்
வன்பல படை உடைய பூதம் சூழ
           வானவர் கணங்களை மாற்றி ஆங்கே
என்பெரும் பயலைமை தீரும்வண்ணம்
           எழுந்து அருளாய்எங்கள் வீதியூடே !  3  

எழுந்து அருளாய் எங்கள் வீதியூடே
           ஏதமில் முனிவரோடு எழுந்தஞானக்
கொழுந்து அது ஆகிய கூத்தனேநின்
           குழை அணி காதினில் மாத்திரையும்
செழுந்தட மலர்புரை கண்கள் மூன்றும்
           செங்கனி வாயும்என் சிந்தை  வெளவ
அழுந்தும்என் ஆருயிர்க்கு என்செய் கேனோ
           அரும்புனல் அலமரும் சடையினானே !  4  

அரும்புனல் அலமரும் சடையி னானை
           அமரர்கள் அடிபணிந்து அரற்ற அந்நாள்
பெரும்புரம் எரிசெய்த சிலையின் வார்த்தை
           பேசவும் நையும் என் பேதை நெஞ்சம்
கருந்தட மலர்புரை கண்ட வண்டார்
           காரிகை யார்முன்புஎன் பெண்மை தோற்றேன்
திருந்திய மலரடி நசையி னாலே
           தில்லை அம்பலத்து எங்கள் தேவ தேவே.  5  

தில்லை அம்பலத்து எங்கள் தேவ தேவைத்
           தேறிய அந்தணர் சிந்தை செய்யும்
எல்லை அது ஆகிய எழில்கொள் சோதி
           என்னுயிர் காவல் கொண்டு இருந்த எந்தாய்
பல்லையார் பசுந்தலை யோடு இடறிப்
           பாதமென் மலரடி நோவ நீபோய்
அல்லினில் அருநடம் ஆடில் எங்கள்
           ஆருயிர் காவல் இங்கு அரிது தானே.  6  

ஆருயிர் காவல் இங்கு அருமை யாலே
           அந்தணர் மதலைநின் அடிபணியக்
கூர்நுனை வேற்படைக்கூற்றம் சாயக்
           குரைகழல் பணிகொள மலைந்தது என்றால்
ஆரினி அமரர்கள் குறைவி லாதார்
           அவரவர் படுதுயர் களைய நின்ற
சீருயிரே எங்கள் தில்லை வாணா !
           சேயிழை யார்க்கு இனி வாழ்வு அரிதே.  7  

சேயிழை யார்க்கு இனி வாழ்வு அரிது
           திருச்சிற்றம்பலத்து எங்கள் செல்வ னேநீ
தாயினும் மிகநல்லை என்று அடைந்தேன்
           தனிமையை நினைகிலை சங்கரா உன்
பாயிரும் புலி அதளின் உடையும்
           பையமேல் எடுத்த பொற் பாதமும் கண்டு
ஏயிவள் இழந்தது சங்கம் ஆவா
           எங்களை ஆளுடை ஈசனேயோ.  8  

எங்களை ஆளுடை ஈசனேயோ
           இளமுலை முகம்நெக முயங்கி நின்பொற்
பங்கயம் புரைமுகம் நோக்கி நோக்கிப்
           பனிமதி நிலவு அது என் மேற்படரச்
செங்கயல் புரைகண்ணி மார்கள் முன்னே
           திருச்சிற்றம்பலம் உடனே புகுந்து
அங்குன பணிபல செய்து நாளும்
           அருள்பெறின் அகலிடத்து இருக்கலாமே.  9  

அருள்பெறின் அகலிடத்து இருக்கலாம் என்று
           அமரர்கள் தலைவனும் அயனும் மாலும்
இருவரும் அறிவுடையாரின் மிக்கார்
           ஏத்துகின் றார் இன்னம் எங்கள்கூத்தை
மருள்படு மழலை மென்மொழி உமையாள்
           கணவனை வல்வினை யாட்டி யேனான்
அருள்பெற அலமரும் நெஞ்சம் ஆவா
           ஆசையை அளவறுத் தார்இங்கு ஆரே  10  

ஆசையை அளவறுத் தார்இங்கு ஆரே
           அம்பலத்து அருநடம் ஆடு வானை
வாசநன் மலர் அணி குழல்மடவார்
           வைகலும் கலந்து எழு மாலைப் பூசல்
மாசிலா மறைபல ஓது நாவன்
           வண்புரு டோத்தமன் கண்டு உரைத்த
வாசக மலர்கள் கொண்டு ஏத்த வல்லார்
           மலைமகள் கணவனை அணைவர் தாமே.

திருச்சிற்றம்பலம்