8.2 திருவிசைப்பா - புருடோத்தம நம்பி

           

௨ 

புருடோத்தம நம்பி    -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை தலைவி இரங்கலை கூறுவதாக அமைந்தது இது அந்தாதியாக அமைந்துள்ளது
பதிக பலன்	மகிழ்ச்சியான வாழ்வு அமையும்
வரிசை எண்.	8.2                                                    01/63

திருச்சிற்றம்பலம்

வானவர்கள் வேண்ட 
          வளர்நஞ்சை உண்டார்தாம்
ஊனமிலா என்கை 
          ஒளிவளைகள் கொள்வாரோ
தேனல்வரி வண்டறையும் 
          தில்லைச்சிற்றம்பலவர்
நானமரோ என்னாதே 
          நாடகமே ஆடுவரே.  1  

ஆடிவரும் கார்அரவும் 
          ஐம்மதியும் பைங் கொன்றை
சூடிவருமா கண்டேன் 
          தோள்வளைகள் தோற்றாலும்
தேடி இமையோர் பரவும் 
          தில்லைச்சிற்றம் பலவர்
ஆடிவரும் போது அருகே 
          நிற்கவுமே ஒட்டாரே.  2  

ஒட்டா வகை அவுணர் 
          முப்புரங்கள் ஓர்அம்பால்
பட்டாங்கு அழல்விழுங்க 
          எய்து உகந்த பண்பினார்
சிட்டார் மறையோவாத் 
          தில்லைச்சிற்றம் பலவர்
கொட்டா நடமாடக் 
          கோல்வளைகள் கொள்வாரே.  3  

ஆரே இவைபடுவார் 
          ஐயம்  கொளவந்து
போர் ஏடி என்று 
          புருவம் இடுகின்றார்
தேரார் விழவோவாத் 
          தில்லைச்சிற் றம்பலவர்
தீராநோய் செய்வாரை 
          ஒக்கின்றார் காணீரே.  4  

காணீரே என்னுடைய 
          கைவளைகள் கொண்டார்தாம்
சேணார் மணிமாடத் 
          தில்லைச் சிற்றம்பலவர்
பூணார் வனமுலைமேல் 
          பூஅம்பால் காமவேள்
ஆண் ஆடுகின்றவா 
          கண்டும் அருளாரே.  5  

ஏ இவரே வானவர்க்கும் 
          வானவரே என்பாரால்
தாய் இவரே எல்லார்க்கும் 
          தந்தையுமாம் என்பாரால்
தேய் மதியம் சூடிய தில்லைச்
           சிற்றம் பலவர்
வாயின கேட்டறிவார் 
          வையகத்தார் ஆவாரே.  6  

ஆவா ! இவர்தம் 
          திருவடிகொண்டு அந்தகன்தன்
மூவா உடல் அவியக் 
          கொன்று உகந்த முக்கண்ணர்
தேவா மறைபயிலும் 
          தில்லைச் சிற்றம் பலவர்
கோவா இனவளைகள் 
          கொள்வாரோ என்னையே.  7  

என்னை வலிவாரார் என்ற 
          இலங்கையர் கோன்
மன்னும் முடிகள் 
          நெரித்த மணவாளர்
செந்நெல் விளைகழனித் 
          தில்லைச் சிற்றம்பலவர்
முன்னந்தான் கண்டு அறிவார் ஒவ்வார் 
          இம் முத்தரே.  8  

முத்தர் முதுபகலே 
          வந்து என் தன் இல்புகுந்து
பத்தர் பலி இடுக 
          என்று எங்கும் பார்க்கின்றார்
சித்தர் கணம்பயிலும் 
          தில்லைச்சிற்றம் பலவர்
கைத்தலங்கள் வீசி நின்று  
          ஆடுங்கால் நோக்காரே.  9  

நோக்காத தன்மையால் 
          நோக்கிலோம் யாம் என்று
மாற்காழி ஈந்து 
          மலரோனை நிந்தித்துச்
சேக் காதலித் தேறும் 
          தில்லைச்சிற்றம்பலவர்
ஊர்க்கே வந்து என்வளைகள் 
          கொள்வாரோ ஒண்ணுதலீர்!  10  

ஒண்ணுதலி காரணமா 
          உம்பர் தொழுது ஏத்தும்
கண்ணுதலான் தன்னைப் 
          புருடோத்தமன் சொன்ன
பண்ணுதலைப் பத்தும் 
          பயின்று ஆடிப் பாடினார்
எண்ணுதலைப் பட்டங்கு 
          இனிதா இருப்பாரே.

திருச்சிற்றம்பலம்