திரு மால்பேறு

                               

௨ 

திருநாவுகரசு  சுவாமிகள் அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு மால்பேறு
ஊர்	திருமால்பூர்
நாடு	தொண்டை நாடு
ॐசுவாமி	மனிகண்டேஸ்வரர்
ॐஅம்பிகை	அஞ்சனாட்சி அம்மை, கருணை நாயகி
பாடியவர்கள்	ஞானசம்பந்தர்  (2)         ஊரியார் தரு (1-55)         குருந்தவன் குரு (1-114) அப்பர் (4)         மானிக்கு உயிர் (4-108)         பொருமாற் (5-59)         ஏதும் ஒன்று (5-60)         பாரானைப் பாரினது (6-80)
ஸ்தல மரம்	வில்வம்
தீர்த்தம்	சக்கர தீர்த்தம், பாலாறு
பண்	திருக்குறுந்தொகை
குறிப்புகள்	திருமால் ஈசனை வழிபட்டு சக்கராயுதம் பெற்ற தலம்  சந்திரன் வழிபட்டது.
பதிக பலன்	அச்சம் விலகும்
வரிசை எண்.	60                                                        11/32

திருச்சிற்றம்பலம்          

ஏதும் ஒன்றும் அறிவிலர் ஆயினும்

ஓதி அஞ்செழுத்தும் உணர்வார்கட்குப்

பேதம் இன்றி அவரவர் உள்ளத்தே

மாதும்  தாமும் மகிழ்வர் மாற்பேறரே.  1  

அச்சம் இல்லை நெஞ்சே அரன் நாமங்கள்

நிச்சலும் நினையாய் வினை போய் அறக்

கச்ச மாவிடம் உண்டகண்டா என

வைச்ச மாநிதியாவர் மாற்பேறரே.  2  

சாத்திரம் பல பேசும் சழக்கர்காள்

கோத்திரமும் குலமும் கொண்டு என்செய்வீர்

பாத்திரம்  சிவம் என்று பணிதிரேல்

மாத்திரைக்குள் அருளும் மாற்பேறரே.  3  

இருந்து சொல்லுவன் கேண்மின்கள் ஏழைகாள்

அருந்த வந்தரும் அஞ்செழுத்து ஓதினால் 

பொருந்து நோய்பிணி போகத் துரப்பதோர்

மருந்தும் ஆகுவர் மன்னு மாற்பேறரே.  4  

சாற்றிச் சொல்லுவன் கேண்மின் தரணியீர்

ஏற்றின் மேல் வருவான் கழல் ஏத்தினால்

கூற்றை நீக்கிக் குறைவறுத்து ஆள்வதோர்

மாற்றிலாச் செம்பொன் ஆவர் மாற்பேறரே.  5  

ஈட்டும் மாநிதி சால இழக்கினும்

வீட்டும் காலன் விரைய அழைக்கினும்

காட்டில் மாநடம் ஆடுவாய் கா எனில்

வாட்டம் தீர்க்கவும் வல்லர் மாற்பேறரே.  6  

ஐயனே! அரனே! என்று அரற்றினால்

உய்யலாம் உலகத்தவர் பேணுவர்

செய்ய பாதம் இரண்டும் நினையவே

வையம் ஆளவும் வைப்பர் மாற்பேறரே.  7  

உந்திச் சென்று மலையை எடுத்தவன்

சந்து தோளொடு தாளிற ஊன்றினான்

மந்தி பாய்பொழில்சூழு மாற்பேறு என

அந்தம் இல்லதோர் இன்பம் அணுகுமே.

திருச்சிற்றம்பலம்

இப்பதிகத்தில் 8 & 9ம் பாடல் கிடைக்கப்பெறவில்லை.