திரு மால்பேறு

                               

௨ 

திருநாவுகரசு  சுவாமிகள் அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு மால்பேறு
ஊர்	திருமால்பூர்
நாடு	தொண்டை நாடு
ॐசுவாமி	மனிகண்டேஸ்வரர்
ॐஅம்பிகை	அஞ்சனாட்சி அம்மை, கருணை நாயகி
பாடியவர்கள்	ஞானசம்பந்தர்  (2)         ஊரியார் தரு (1-55)         குருந்தவன் குரு (1-114) அப்பர் (4)         மானிக்கு உயிர் (4-108)         பொருமாற் (5-59)         ஏதும் ஒன்று (5-60)         பாரானைப் பாரினது (6-80)
ஸ்தல மரம்	வில்வம்
தீர்த்தம்	சக்கர தீர்த்தம், பாலாறு
பண்	திருக்குறுந்தொகை
குறிப்புகள்	திருமால் ஈசனை வழிபட்டு சக்கராயுதம் பெற்ற தலம்  சந்திரன் வழிபட்டது.
பதிக பலன்	வினை நீங்கும்.
வரிசை எண்.	59                                                        11/32

திருச்சிற்றம்பலம்          

பொருமாற் றின்படை வேண்டிநற் பூம்புனல்

வருமாற் றின்மலர் கொண்டு வழிபடும்

கருமாற்கு இன்னருள் செய்தவன் காண்தகு

திருமாற் பேறு தொழவினை தேயுமே.  1  

ஆலத் தார் நிழலில் அறம் நால்வர்க்குக்கு

கோலத் தால் உரை செய்தவன் குற்றமில்

மாலுக்கு ஆர் அருள் செய்தவன் மாற்பேறு

ஏலத் தான் தொழுவார்க்கு இடர் இல்லையே.  2  

துணிவண் ணச் சுடர் ஆழி கொள்வான் எண்ணி

அணிவண்ணத்து அலர் கொண்டு அடி அர்ச்சித்த

மணி வண்ணற்கு அருள் செய்தவன் மாற்பேறு

பணிவண் ணத்தவர்க்கு இல்லையாம் பாவமே.  3  

தீதவை செய்து தீவினை வீழாதே

காதல் செய்து கருத்தினில் நின்றநன்

மாதவர் பயில்மாற்பேறு கைதொழப்

போது மின்வினை ஆயின போகுமே.  4  

வார்கொள் மென்முலை மங்கை ஓர் பங்கினன்

வார்கொள் நன்முரசம் அறையவ் வறை

வார்கொள் பைம்பொழில் மாற்பேறு கைதொழு

வார்கள் மன்னுவர் பொன் உலகத்திலே.  5  

பண்டை வல்வினை பற்று அறுக்கும் வகை

உண்டு சொல்லுவன் கேண்மின் ஒளிகிளர்

வண்டு சேர்பொழில் சூழ்திரு மாற்பேறு

கண்டு கைதொழத் தீரும்கவலையே.  6  

மழுவ லான் திரு நாமம் மகிழ்ந்து உரைத்து

அழவ லார்களுக்கு அன்பு செய்து இன்பொடும்

வழுவிலா அருள் செய்தவன் மாற்பேறு

தொழவ லார்தமக்கு இல்லை துயரமே.  7  

முன்னவன் உலகுக்கு முழுமணிப்

பொன்னவன் திகழ் முத்தொடு போகமாம்

மன்னவன் திருமாற்பேறு கைதொழும்

அன்னவர் எமை ஆளுடை யார்களே.  8  

வேட னாய்விசயன்னொடும் எய்துவெம்

காடு நீடு உகந்து ஆடிய கண்ணுதல்

மாட நீடு உயருந் திரு மாற்பேறு

பாடு வார்பெறுவார் பரலோகமே.  9  

கருத்த னாய்க் கயிலாய மலைதனைத்

தருக்கி னால் எடுத்தானைத் தகரவே

வருத்தி யார் அருள் செய்தவன் மாற்பேறு

அருத்தி யாற் தொழுவார்க்கு இல்லை அல்லலே.

திருச்சிற்றம்பலம்