திரு மால்பேறு

                               

௨ 

திருஞானசம்பந்தர் சுவாமிகள் அருளிச்செய்த
முதலாம்  திருமுறை

தகவல் பலகை	விவரம்
தலம்	திரு மால்பேறு
ஊர்	திருமால்பூர்
நாடு	தொண்டை நாடு
ॐசுவாமி	மனிகண்டேஸ்வரர்
ॐஅம்பிகை	அஞ்சனாட்சி அம்மை, கருணை நாயகி
பாடியவர்கள்	ஞானசம்பந்தர்  (2)         ஊரியார் தரு (1-55)         குருந்தவன் குரு (1-114) அப்பர் (4)         மானிக்கு உயிர் (4-108)         பொருமாற் (5-59)         ஏதும் ஒன்று (5-60)         பாரானைப் பாரினது (6-80)
ஸ்தல மரம்	வில்வம்
தீர்த்தம்	சக்கர தீர்த்தம், பாலாறு
பண்	பழந்தக்க ராகம்
குறிப்புகள்	திருமால் ஈசனை வழிபட்டு சக்கராயுதம் பெற்ற தலம்  சந்திரன் வழிபட்டது.
பதிக பலன்	வினை நீக்கம் பெறலாம்
வரிசை எண்.	114                                                         11/32

திருச்சிற்றம்பலம்          

குருந்தவன் குருகவன் கூர்மை அவன்

பெருந்தகை பெண் அவன் ஆணும் அவன்

கருந்தட மலர்க்கண்ணி காதல்செய்யும்

மருந்தவன் வளநகர் மாற்பேறே.  1  

பாறணி வெண் தலை கையில் ஏந்தி

வேறணி பலிகொளும் வேட்கையனாய்

நீறு அணிந்து உமை ஒரு பாகம் வைத்த

மாறிலி வளநகர் மாற்பேறே.  2  

கருவுடை யார் உலகங்கள்வேவச்

செருவிடை ஏறியும் சென்றுநின்று 

உருவுடையாள் உமையாளும் தானும்

மருவிய வளநகர் மாற்பேறே.  3  

தலையவன் தலையணி மாலைபூண்டு

கொலைநவில் கூற்றினைக் கொன்று உகந்தான்

கலை நவின்றான் கயிலாயம் என்னும்

மலையவன் வளநகர் மாற்பேறே.  4  

துறையவன் தொழில் அவன் தொல் உயிர்க்கும்

பிறையணி சடைமுடிப் பெண்ணொர்பாகன்

கறையணி மிடற்று அண்ணல் காலல் செற்ற

மறையவன் வளநகர் மாற்பேறே.  5  

பெண்ணின் நல்லாளை ஓர் பாகம் வைத்துக்

கண்ணினாற் காமனைக் காய்ந்தவன் தன்

விண்ணவர் தான் அவர் முனிவரொடு

மண்ணவர் வணங்குநன் மாற்பேறே.  6  

தீதிலா மலை எடுத்த அவ் அரக்கன்

நீதியால் வேத கீதங்கள் பாட

ஆதியானாகிய அண்ணல் எங்கள்

மாதிதன் வளநகர் மாற்பேறே.  8  

செய்ய தண் தாமரைக் கண்ணனொடும்

கொய்யணி நறுமலர் மேல் அயனும்

ஐயன்நன் சேவடி அதனை உள்க

மையல் செய் வளநகர் மாற்பேறே.  9  

குளித்து உணா அமணர் குண்டு ஆக்கர் என்றும்

களித்துநன் கழலடி காணல் உற்றார்

முளைத்தவெண் மதியினொடு அரவம் சென்னி

வளைத்தவன் வளநகர் மாற்பேறே.  10  

அந்தமில் ஞானசம் பந்தன்நல்ல

செந்திசை பாடல்செய் மாற்பேற்றைச்

சந்தமின் தமிழ்கள் கொண்டு ஏத்த வல்லார்

எந்தை தன் கழலடி எய்துவரே.

திருச்சிற்றம்பலம்

இப்பதிகத்தில் 7-ம் பாடல்கிடைக்கப்பெறவில்லை.