2. கோயில் - உயர் கொடியாடை

  

௨ 

திருமாளிகைத் தேவர்  அருளிச்செய்த திருவிசைப்பா 
ஒன்பதாம் திருமுறை

தகவல் பலகை	விவரம்
தலம்	கோவில்
ஊர்	சிதம்பரம்
நாடு	காவிரி வடகரை
ॐசுவாமி	நடராசர், கனகசபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம்
ஸ்தல மரம்	தில்லை, ஆல்
தீர்த்தம்	சிவகங்கை
பண்	பஞ்சமம்
குறிப்புகள்	பாதாதி கேசம் - அடி முதல் முடிவரை நினையும் வரையில் அருளிச் செய்யப்பட்டது. அவசியம் படித்து படனம் செய்ய வேண்டியது. அங்க பூஜை என வடமொழியில் சொல்வது உண்டு .
பதிக பலன்	திருவருள் பெற
வரிசை எண்.	2

திருச்சிற்றம்பலம்

உயர்கொடி ஆடை மிடைபட லத்தின்
          ஓம தூமப் பட லத்தின்
பெயர்நெடு மாடத்(து) அகிற்புகைப் படலம்
          பெருகிய பெரும்பற்றப் புலியூர்ச்
சியரொளி மணிகள் நிரந்துசேர் கனகம்
          நிறைந்த சிற்றம்பலக் கூத்தா !
மயர்வு அறும் அமரர் மகுடம் தோய் மலர்ச்
          சேவடிகள்என் மனத்துவைத்து அருளே.  1  

திருவடி 

கருவளர் மேகத் தகடுதோய் மகுடக்
          கனக மாளிகை கலந்து எங்கும்
பெருவளர் முத்தீ நான்மறைத் தொழிலால்
          எழில்மிகு பெரும்பற்றப் புலியூர்த்
திருவளர் தெய்வப் பதிவிதி நிதியம்
          திரண்டசிற் றம்பலக் கூத்தா !
உருவளர் இன்பச் சிலம் ஒலி அலம்பும்
          உன்னடிக் கீழ(து) என்உயிரே.  2  

திருகணைக்கால் 

வரம்பிரி வாளை மிளிர்மடுக் கமலம்
          கரும்பொடு மாந்துமே திகள்சேர்
பரம்பிரி செந்நெல் கழனிச் செங்கழுநீர்ப்
          பழனம்சூழ் பெரும்பற்றப் புலியூர்ச்
சிரம்புரை முடிவானவர் அடி முறையால்
          இறைஞ்சுசிற் றம்பலக் கூத்தா
நிரந்தரம் முனிவர் நினைதிருக் கணைக்கால்
          நினைந்துநின்று ஒழிந்தது என் நெஞ்சே.  3  

திருதுடை 

தேர்மலி விழவில் குழல் ஒலி தெருவில்
          கூத்து ஒலி ஏத்து ஒலி ஓத்தின்
பேர் ஒலி பரந்து கடல் ஒலி மலியப்
          பொலிதரு பெரும்பற்றப் புலியூர்ச்
சீர்நிலவு இலயத் திருநடத்து இயல்பில்
          திகழ்ந்தசிற் றம்பலக் கூத்தா !
வார்மலி முலையாள் வருடிய திரள்மா
          மணிக்குறங்கு அடைந்தது என் மதியே.  4  

திருவுடை 

நிறைதழை வாழை நிழற்கொடி நெடும் தெங்கு
          இளங் கமுகு உளங்கொள்நீள் பலமாப்
பிறைதவழ் பொழில்சூழ் கிடங்கிடைப் பதணம்
          முதுமதிற் பெரும்பற்றப் புலியூர்ச்
சிறைகொள் நீர்த்தரளத் திரள்கொள்நித் திலத்த
          செம்பொற் சிற்றம்பலக் கூத்தா !
பொறை அணி நிதம்பப் புலி அதள் ஆடைக்
          கச்சுநூல் புகுந்தது என் புகலே.  5  

திருவுந்தி 

அதுமதி இதுவென்று அலந்தலை நூல்கற்று
          அழைப்பொழிந்து அருமறை அறிந்து
பிதுமதி வழிநின்று ஒழிவிலா வேள்விப்
          பெரியவர் பெரும்பற்றப் புலியூர்ச்
செதுமதிச் சமணும் தேரரும் சேராச்
          செல்வச் சிற்றம்பலக் கூத்தா !
மதுமதி வெள்ளத் திருவயிற்று உந்தி
          வளைப்புண்டு என் உள் மகிழ்ந்ததுவே.  6  

திருவயிறு முதலியன 

பொருவரைப் புயத்தின் மீமிசைப் புலித்தோல்
          பொடி அணி பூணநூல் அகலம்
பெருவரை புரைதிண் தோளுடன் காணப்
          பெற்றவர் பெரும்பற்றப் புலியூர்த்
திருமருவு உதரத் தார்திசை அடைப்ப
          நடஞ்செய்சிற் றம்பலக் கூத்தா !
உருமருவு உதரத் தனிவடம் தொடர்ந்து
          கிடந்தது என் உணர்வு உணர்ந்து உணர்ந்தே.  7  

திருகரங்களும் .. திருவாயும்... 

கணி எரி விசிறு கரம்துடி விடவாய்க்
          கங்கணம் செங்கைமற் றபயம்
பிணிகெட இவைகண்டு உன்பெரு நடத்தில்
          பிரிவிலார் பெரும்பற்றப் புலியூர்த்
திணிமணி நீல கண்டத்துஎன் அமுதே !
      சீர்கொள்சிற் றம்பலக் கூத்தா !
அணிமணி முறுவல் பவளவாய்ச் செய்ய
          சோதியுள் அடங்கிற்று என் அறிவே.  8  

திருமுகம்

திருநெடு மால், இந்திரன், அயன் வானோர்
          திருக்கடைக் காவலின் நெருக்கிப்
பெருமுடி மோதி உகுமணி முன்றில்
          பிறங்கிய பெரும்பற்றப் புலியூர்ச்
செருநெடு மேரு வில்லின்முப் புரம்தீ
          விரித்தசிற் றம்பலக் கூத்தா !
கருவடி குழைக்காது அமலச்செங் கமல
          மலர்முகம் கலந்தது என் கருத்தே.  9  

திருமுடி 

ஏர்கொள்கற் பகம் ஒத்து இருசிலைப் புருவம்
          பெருந்தடங் கண்கள் மூன்று உடையான்
பேர்கள்ஆ யிரம்நூறாயிரம் பிதற்றும்
          பெற்றியோர் பெரும்பற்றப் புலியூர்ச்
சீர்கொள் கொக்கிறகும் கொன்றையும் துன்று
          சென்னிச் சிற்றம்பலக் கூத்தா !
நீர்கொள்செஞ் சடைவாழ் மதிபுது மத்தம்
          நிகழ்ந்தஎன் சிந்தையுள் நிறைந்தே.  10  

திருமுடி 

காமனைக் காலன் தக்கன்மிக்கு எச்சன்
          படக்கடைக் கணித்தவன் அல்லாப்
பேய்மனம் பிறிந்த தவப்பெருந் தொண்டர்
          தொண்டனேன் பெரும்பற்றப் புலியூர்ச்
சேமநற் றில்லை வட்டங்கொண்டு ஆண்ட
          செல்வச்சிற் றம்பலக் கூத்தா !
பூமலர் அடிக்கீழ்ப் புராணபூ தங்கள்
          பொறுப்பர்என் புன்சொலின் பொருளே

திருச்சிற்றம்பலம்