7.2 திருவிசைப்பா - கோயில் - திருவாலியமுதனார்

      

௨ 

திருவாலியமுதனார்  -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	சிதம்பரம்
ஊர்	தில்லை
நாடு	சோழ நாடு காவிரி (வ)
ॐசுவாமி	நடராசர், சபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம் திருமாளிகைத் தேவர் (4)         ஒளிவளர் விளக்கே (9-1.1)         உயர் கொடி ஆடை (9.1.2)         உறவாகிய யோகம் (9-1.3)         இணங்கிலா ஈசன் (9-1.4) கருவூர்த் தேவர்          கணம் விரி (9-3.1) பூந்துருத்தி நம்பி  (1)         முத்து வயிரமணி (9-4.2) கண்டராதித்தர்(1)         மின்னார் உருவம் (9-5.1) வேணாட்டடிகள்(1)         துச்சான செய்திடினும்(9-6.1) திருவாலியமுதனார் (4)         மையல் மாதொரு (9-7.1)         பவள மால் வரையைப் (9-7.2)         அல்லாய் பகலாய் (9-7.3)         கோலமலர் (9-7.4) புருடோத்தம நம்பி (2)         வாரணி நறுமலர் (9-8.1)         வானவர்கள் வேண்ட (9-8.2)
ஸ்தல மரம்	தில்லை, ஆல்
தீர்த்தம்	சிவகங்கை
பண்	நட்ட ராகம்
குறிப்புகள்	பஞ்ச பூத தலங்களுள் ஆகாய தலம். பஞ்ச சபைகளுள் இது கனக சபை
பதிக பலன்	திருவடிப் பேறு பெற
வரிசை எண்.	7.2                                                       01/63

திருச்சிற்றம்பலம்

பவளமால் வரையைப் பனிபடர்ந்து 
          அனையதோர் படர் ஒளிதரு திருநீறும்
குவளை மாமலர்க் கண்ணியும் கொன்றையும் 
          துன்றுபொற் குழல்திருச் சடையும்
திவள மாளிகை சூழ்தரு 
          தில்லையுள்திரு நடம் புரிகின்ற
தவள வண்ணனை நினைதொறும் 
          என்மனம் தழல்மெழுகு ஒக்கின்றதே.  1  

ஒக்க ஒட்டந்த அந்தியும் 
          மதியமும் அலைகடல் ஒலியோடு
நெக்கு வீழ்தரு நெஞ்சினைப் 
          பாய்தலும் நிறைஅழிந்து இருப்பேனைச்
செக்கர் மாளிகை சூழ்தரு 
          தில்லையுள் திருநடம் வகையாலே
பக்கம் ஒட்டந்த மன்மதன் 
          மலர்க்கணை படுந்தொறும் அலந்தேனே.  2  

அலந்து போயினேன் அம்பலக் 
          கூத்தனே அணிதில்லை நகராளீ
சிலந்தியை அரசாள்க என்று 
          அருள்செய்த தேவதேவதேவே  ஈசனே!
உலந்த மார்க்கண்டிக்கு ஆகி அக் 
          காலனை உயிர் செக உதை கொண்ட
மலர்ந்த பாதங்கள் வனமுலை 
          மேல் ஒற்ற வந்து அருள் செய்யாயே.  3  

அருள்செய்து ஆடுநல் அம்பலக் 
          கூத்தனே ! அணிதில்லை நகராளீ
மருள்செய்து என்றனை வனமுலை 
          பொன்பயப் பிப்பது வழக்கமோ
திரளும் நீள்மணிக் கங்கையைத் 
          திருச்சடைச் சேர்த்தி அச் செய்யாளுக்கு
உருவம் பாகமும் ஈந்துநல் 
          அந்தியை ஒண்ணுதல் வைத்தோனே.  4  

வைத்த பாதங்கள் மாலவன் 
          காண்கிலன் மலரவன் முடிதேடி
எய்த்து வந்து இழிந்து இன்னமும் 
          துதிக்கின்றார் எழில்மறை அவற்றாலே 
செய்த்தலைக் கமலம் மலர்ந்து ஓங்கிய 
          தில்லை அம்பலத் தானைப்
பத்தியாற் சென்று கண்டிட 
          என்மனம் பதைபதைப்பு ஒழியாதே.  5  

தேய்ந்து மெய்வெளுத்து அகம் வளைந்து 
          அரவினை அஞ்சித்தான் இருந்தேயும்
காய்ந்து வந்துவந்து என்றனை 
          வலிசெய்து கதிர்நிலா எரிதூவும்
ஆய்ந்த நான்மறை அந்தணர் 
          தில்லையுள் அம்பலத்து அரன்ஆடல்
வாய்ந்த மாமலர்ப் பாதங்கள் 
          காண்பதோர் மனத்தினை உடையேற்கே.  6  

உடையும் பாய்புலித் தோலும்நல் 
          அரவமும் உண்பதும் பலிதேர்ந்து
விடையது ஊர்வதும் மேவிடம் 
          கொடுவரை, ஆகிலும் என்நெஞ்சம்
மடைகொள் வாளைகள் குதிகொளும் 
          வயல்தில்லை அம்பலத்து அனலாடும்
உடைய கோவினை அன்றிமற்று 
          ஆரையும் உள்ளுவது அறியேனே.  7  

அறிவும் மிக்கநல் நாணமும் 
          நிறைமையும் ஆசையும் இங்குள்ள
உறவும் பெற்றநற் றாயொடு 
          தந்தையும் உடன்பிறந் தவரோடும்
பிறிய விட்டு உனை அடைந்தனன் 
          ஏன்றுகொள் பெரும்பற்றப் புலியூரின்
மறைகள் நான்கும்கொண்ட அந்தணர் 
          ஏத்தநன் மாநடம் மகிழ்வானே.  8  

வான நாடுடை மைந்தனே ! 
          'ஓ' என்பன் வந்து அருளாய் என்பன்
பால்நெய் ஐந்துடன் ஆடிய 
          படர்சடைப் பால்வண்ணனேஎன்பன்
தேனமர் பொழில் சூழ்தரு 
          தில்லையுள் திருநடம் புரிகின்ற
ஏன மாமணிப் பூணணி 
          மார்பனே ! எனக்கருள் புரியாயே.  9  

புரியும் பொன்மதில் சூழ்தரு 
          தில்லையுள் பூசுரர் பலர்போற்ற
எரியது ஆடும்எம் ஈசனைக் 
          காதலித்து இனைபவள் மொழியாக
வரைசெய் மாமதில் மயிலையர் 
          மன்னவன் மறைவல திருவாலி
பரவல் பத்திவை வல்லவர் 
          பரமனது அடியிணை பணிவாரே.

திருச்சிற்றம்பலம்