திரு நெய்த்தானம்

          

௨ 

திருநாவுக்கரசர்  சுவாமிகள்   அருளிச்செய்த
நான்காம் திருமுறை 

தகவல் பலகை	விவரம்
தலம்	திரு நெய்த்தானம்
பிற பெயர்கள்
நாடு	சோழ நாடு (வ)
ॐசுவாமி	நெய்யாடியப்பர்
ॐஅம்பிகை	பாலாம்பிகை
பாடியவர்கள்	சம்பந்தர் (1)          மையாடிய கண்டன் (1-15) அப்பர் (5)          காலனை வீழச் செற்ற (4-37)           பாரிடம் சாடிய பல்லுயிர் (4-89)           கொல்லியான் (5-34)           வாகைஎல்லாம் உடைய (6-41)           மெயத்தானத்து அகம் படியுள் (6-42)
ஸ்தல மரம்	புன்னை
தீர்த்தம்	காவிரி
பண்	திரு நேரிசை
குறிப்புகள்	திருவையாறுக்கு அண்மையில் உள்ளது.  ஏழூர் திருத்தலங்களில் ஒன்று. தில்லை ஸ்தானம் என வழங்கப்படுகிறது
பதிக பலன்	திருவருள் சித்திக்கும்
வரிசை எண்.	37                                                     52/63

திருச்சிற்றம்பலம் 

காலனை வீழச் செற்ற 
          கழலடி இரண்டும் வந்து என்
மேலவா இருக்கப் பெற்றேன் 
          மேதகத் தோன்று கின்ற
கோல "நெய்த்தானம்" என்னும்
          குளிர்பொழிற் கோயில் மேய
நீலம்வைத் தனைய கண்ட 
          நினைக்குமா நினைக்கின் றேனே.  1

காமனை அன்று கண்ணாற் 
          கனல் எரி யாக நோக்கித்
தூபமும்  தீபம் காட்டித் 
          தொழும் அவர்க்கு அருள்கள் செய்து
சேம "நெய்த்தானம்"  என்னும்
          செறிபொழிற் கோயில் மேய
வாமனை நினைந்த நெஞ்சம் 
          வாழ்வுற நினைந்த வாறே.  2

பிறைதரு சடையின் மேலே 
          பெய்புனல்  கங்கை தன்னை
உறைதர வைத்த எங்கள் 
          உத்தமன் ஊழி யாய
நிறைதரு பொழில்கள் சூழ 
          நின்ற "நெய்த்தானம்" என்று
குறைதரும் அடியவர்க்குக் 
          குழகனைக் கூட லாமே.  3

வடிதரு மழு ஒன்று ஏந்தி 
          வார்சடை மதியம் வைத்துப்
பொடிதரு மேனி மேலே 
          புரிதரு நூலர் போலும்
நெடிதரு பொழில்கள் சூழ 
          நின்ற "நெய்த்தானம்" மேவி
அடிதரு கழல்கள் ஆர்ப்ப 
          ஆடும் எம் அண்ண லாரே.  4

காடு இடமாக நின்று 
          கனல் எரி கையில் ஏந்திப்
பாடிய பூதம் சூழப் 
          பண்ணுடன் பலவும் சொல்லி
ஆடிய கழலர் சீரார் 
          அந்தண் "நெய்த்தானம்" என்றும்
கூடிய குழக னாரைக் 
          கூடுமாறு அறிகிலேனே.  5

வானவர் வணங்கி ஏத்தி 
          வைகலும் மலர்கள் தூவத்
தானவர்க்கு அருள்கள் செய்யும் 
          சங்கரன் செங்கண் ஏற்றன்
தேனமர் பொழில்கள் சூழத் 
          திகழு "நெய்த்தானம்" மேய
கூனிள மதியி னானைக் 
          கூடுமாறு அறிகி லேனே.  6

கால அதிர் கழல்கள் ஆர்ப்பக் 
          கனல் எரி கையில் வீசி
ஞாலமும்  குழிய நின்று 
          நட்டமது ஆடு கின்ற
மேலவர் முகடு தோய 
          விரிசடை திசைகள் பாய
மால் ஒரு பாகம் ஆக 
          மகிழ்ந்த "நெய்த்தான" னாரே.  7

பந்தித்த சடையின் மேலே 
          பாய்புனல் அதனை வைத்து
அந்திப் போது அனலும் ஆடி 
          அடிகள் ஐயாறு புக்கார்
வந்திப்பார் வணங்கி நின்று 
          வாழ்த்துவார் வாயின் உள்ளார்
சிந்திப்பார் சிந்தை உள்ளார் 
          திருந்து "நெய்த்தான"னாரே.  8

சோதியாய்ச் சுடரும் ஆனார் 
          சுண்ணவெண் சாந்து பூசி
ஓதிவாய் உலகம் ஏத்த 
          உகந்துதாம் அருள்கள் செய்வார்
ஆதியாய் அந்தம் ஆனார் 
          யாவரும் இறைஞ்சி ஏத்த
நீதியாய் நியமம் ஆகி 
          நின்ற நெய்த்தான"னாரே.  9

இலையுடைப் படை கையேந்தும் 
          இலங்கையர் மன்னன் தன்னைத்
தலையுடன் அடர்த்து மீண்டே 
          தான் அவற்கு அருள்கள் செய்து
சிலையுடன் கணையைச் சேர்த்துத் 
          திரிபுரம் எரியச் செற்ற
நிலையுடை அடிகள் போலும் 
          நின்ற "நெய்த்தான"னாரே.

திருச்சிற்றம்பலம்