திரு நெய்த்தானம்

           

௨ 

திருநாவுக்கரசர்  சுவாமிகள்   அருளிச்செய்த
நான்காம் திருமுறை 

தகவல் பலகை	விவரம்
தலம்	திரு நெய்த்தானம்
பிற பெயர்கள்
நாடு	சோழ நாடு (வ)
ॐசுவாமி	நெய்யாடியப்பர்
ॐஅம்பிகை	பாலாம்பிகை
பாடியவர்கள்	சம்பந்தர் (1)          மையாடிய கண்டன் (1-15) அப்பர் (5)          காலனை வீழச் செற்ற (4-37)           பாரிடம் சாடிய பல்லுயிர் (4-89)           கொல்லியான் (5-34)           வாகைஎல்லாம் உடைய (6-41)           மெயத்தானத்து அகம் படியுள் (6-42)
ஸ்தல மரம்
தீர்த்தம்	காவிரி
பண்	திரு விருத்தம்
குறிப்புகள்	திருவையாறுக்கு அண்மையில் உள்ளது.  ஏழூர் திருத்தலங்களில் ஒன்று. தில்லை ஸ்தானம் என வழங்கப்படுகிறது
பதிக பலன்	திருவருள் சித்திக்கும்
வரிசை எண்.	89                                                     52/63

திருச்சிற்றம்பலம் 

பாரிடம் சாடிய பல்லுயிர் 
          வான் அமரர்க்கு அருளிக்
காரடைந் தகடல் வாய் உமிழ் 
          நஞ்சு அமுதாக உண்டான்
ஊரடைந்து இவ்வுலகிற் பலி 
          கொள்வது நாம் அறியோம்
நீரடைந் தகரை நின்ற
          நெய்த்தானத்து இருந்தவனே.  1

தேய்ந்திலங் குஞ்சிறு வெண்
          மதியாய்நின் திருச்சடைமேற்
பாய்ந்தகங் கைப்புனல் 
          பன்முகமாகிப் பரந்து ஒலிப்ப
ஆய்ந்திலங் கும்மழு  
          வேலுடையாய் ஆடி யேற்கு உரைநீ
ஏந்திள மங்கையும் நீயும் 
          நெய்த்தானத்து இருந்ததுவே.  2

கொன்று அடைந் ஆடிக் குமைத்திடும்
          கூற்றம் ஒன்னார் மதில் மேல்
சென்றடைந்து ஆடிப் பொருததும் 
          தேசமெல் லாம் அறியும்
குன்றடைந் தாடுங் குளிர்பொழிற் 
          காவிரி யின்கரைமேல்
சென்றடைந்தார் வினை தீர்க்கு  
          நெய்த்தானத்து இருந்தவனே.  3

கொட்டு முழவர வத்தொடு 
          கோலம் பலஅணிந்து
நட்டம் பலபயின்று ஆடுவர் 
          நாகம் அரைக் கசைத்துச்
சிட்டர் திரிபுரம்  தீ எழச் 
          செற்ற சிலையுடையான்
இட்டம் உமையொடு நின்ற 
          நெய்த்தானத்து இருந்தவனே.  4

கொய்ம்மலர்க் கொன்றை துழாய்வன்னி 
          மத்தமும் கூவிளமும்
மெய்ம்மலர் வேய்ந்த விரிசடைக் 
          கற்றைவிண் ணோர்பெருமான்
மைம்மலர் நீல நிறங்கருங் 
          கண்ணியோர் பால்மகிழ்ந்தான்
நின்மலன் ஆடல் நிலயம்  
          நெய்த்தானத்து இருந்தவனே.  5

பூந்தார் நறுங்கொன்றை மாலையை 
          வாங்கிச் சடைக்கு அணிந்து
கூர்ந்தார் விடையினை ஏறிப்பல் 
          பூதப் படைநடுவே
போந்தார் புறவிசை பாடவும் 
          ஆடவும்  கேட்டு அருளிச்
சேர்ந்தார் உமையவ ளோடு 
          நெய்த்தானத்து இருந்தவனே.  6

பற்றின பாம்பன் படுத்த 
          புலி உரித் தோலுடையன்
முற்றின மூன்று மதில்களை 
          மூட்டி எரித்து அறுத்தான்
சுற்றிய பூதப் படையினன் 
          சூல மழு ஒரு மான்
செற்று நம் தீவினை தீர்க்கு 
          நெய்த்தானத்து இருந்தவனே.  7

விரித்த சடையினன் விண்ணவர் 
        கோன் விடம் உண்ட கண்டன்
உரித்த கரி உரி மூடி ஒன்னார் 
        மதில் மூன்று உடனே
எரித்த சிலையினன் ஈடழி 
          யாது என்னை ஆண்டுகொண்ட
தரித்த உமையவ ளோடு 
          நெய்த்தானத்து இருந்தவனே.  8

தூங்கான் துளங்கான் துழாய்கொன்றை 
          துன்னிய செஞ்சடைமேல்
வாங்கா மதியமும் வாளரவும் 
          கங்கை தான்புனைந்தான்
தேங்கார் திரிபுரம் தீயெழ 
          எய்து தியக்கறுத்து
நீங்கான் உமையவ ளோடு 
          நெய்த்தானத்து இருந்தவனே.  9

ஊட்டிநின் றான்பொரு வானில 
          மும்மதில் தீயம்பினால்
மாட்டிநின் றான்அன்றி னார்வெந்து 
          வீழவும் வானவர்க்குக்
காட்டிநின் றான்கத மாக்கங்கை 
          பாய ஓர்வார் சடையை
நீட்டி நின்றான் திரு நின்ற 
          நெய்த்தானத்து இருந்தவனே.

திருச்சிற்றம்பலம்