திரு நாரையூர்

                                                                               ௨ 

திருஞானசம்பந்தர் சுவாமிகள்  அருளிச்செய்த
மூன்றாம்  திருமுறை

தகவல் பலகை	விவரம்
தலம்	திரு நாரையூர்
ஊர்/வேறு பெயர்
நாடு	சோழ (காவிரி வட)
ॐசுவாமி	சௌந்தரநாதர்
ॐஅம்பிகை	திரிபுரசுந்தரி
பாடியவர்கள்	சம்பந்தர் (3)         உரையினில் வந்த (2-86)         காம்பினை வென்ற (3-102)         கடலிடை வெங்கடு (3-107) அப்பர் (2)          வீறு தானுடை வெற்பன் (5-55)         சொல்லானை பொருளானை (6-74) நம்பியாண்டார் நம்பி  (1)         திருநாரையூர் திரு இரட்டை மணிமாலை (11-32)
ஸ்தல மரம்	புன்னாகம்
தீர்த்தம்	காருண்ய தீர்த்தம்
பண்	பியந்தைக் காந்தாரம்
குறிப்புகள்	நாரை வழிபட்டது .  பொல்லாப் பிள்ளையார்  சிறப்புடையது  இவர் உணர்த்தியவாறு நம்பியாண்டார் நம்பிகள் தில்லையில் சேமித்து வைத்திருந்த தேவாரத் திருமுறைகளை உலகிற்கு வெளிப்படுத்தினார்
பதிக பலன்	பொருளும் அருளும் பெற்று செம்மையாக வினை நீங்கப் பெறுவர்
வரிசை எண்.	86                                                             33/63

திருச்சிற்றம்பலம்

காம்பினை வென்றமென் தோளிபாகம்
          கலந்தான் நலம் தாங்கு    
தேம்புனல் சூழ்திகழ் மாமடுவில்
          திருநாரை யூர்மேய    
பூம்புனல் சேர்புரி புன்சடையான்
          புலியின் உரிதோல்மேல்    
பாம்பினை வீக்கிய பண்டரங்கன்
          பாதம் பணிவோமே.  1

தீவினை ஆயின தீர்க்கநின்றான்
          திருநாரை யூர்மேயான்    
பூவினை மேவு சடைமுடியான்
          புடைசூழப் பலபூதம்    
ஆவினில் ஐந்தும் கொண்டு 
          ஆட்டுகந்தான் அடங்கார் மதில்மூன்றும்    
ஏவினை எய்து அழித்தான் கழலே
          பரவா எழுவோமே.  2

மாயவன் சேயவன் வெள்ளியவன்
          விடஞ்சேரும் மைமிடற்றன்    
ஆயவன் ஆகி ஓர் அந்தரமும்
          அவன் என்று வரையாகம்    
தீயவன் நீரவன் பூமியவன்
          திருநாரை யூர்தன்னில்    
மேயவ னைத்தொழு வார் அவர்மேல்
          வினையா யினவீடுமே.  3

துஞ்சிருள் ஆடுவர் தூமுறுவல்
          துளங்கும் உடம்பினராய்    
அஞ்சுட ரார்எரி ஆடுவர்
          ஆர் அழலார் விழிக்கண்    
நஞ்சு உமிழ் நாகம் அரைக்கு அசைப்பர்
          நலன் ஓங்கு நாரையூர்    
எம்  சிவ னார்க்குக் அடி மைப்படுவார்க்கு 
          இனியில்லை ஏதமே.  4

பொங்கு இளம்  கொன்றையி னார்கடலில்
          விடம் உண்டு இமையோர்கள்    
தங்களை ஆரிடர் தீரநின்ற
          தலைவர் சடைமேலோர்    
திங்களை வைத்து அனல் ஆடலினார்
          திருநாரை யூர்மேய    
வெங்கனல் வெண்ணீறு அணியவல்லார்
          அவரே விழுமியரே.  5

பாருறு வாய்மையி னார்பரவும்
          பரமேட்டி பைங்கொன்றைத்    
தாருறு மார்புடை யான்மலையின்
          தலைவன் மலைமகளைச்    
சீருறு மாமறு கிற்சிறைவண்டு 
          அறையும் திருநாரையூர்     
உறை எம் இறைவர்க்கு இவை 
          ஒன்றோடு ஒன்று ஒவ்வாவே.  6

கள்ளி யிடுதலை ஏந்துகையர்
          கரிகாடர் கண்ணுதலர்    
வெள்ளிய கோவண ஆடைதன்மேல்
          மிளிர் ஆடரவு ஆர்த்து    
நள்ளிருள் நட்டமது ஆடுவர்
          நன்நலன்ஓங்கு நாரையூர்    
உள்ளிய போழ்தில் எம் மேல்வரு
          வல்வினை ஆயின ஓடுமே.  7

நாமம் எனப் பலவும் உடையான்
          நலன்ஓங்கு நாரையூர்    
தாமொம் எனப் பறை யாழ்குழல்
          தாளார்க ழல்பயில    
ஈம விளக்கு எரி சூழ்சுடலை
          இயம்பும் இடுகாட்டில்
சாமம் உரைக்கநின்று ஆடுவானும்
          தழலாய் சங்கரனே.  8

ஊனுடை வெண் தலை கொண்டு உழல்வான்
          ஒளிர்புன்ச டைமேலோர்    
வானிடை வெண்மதி வைத்து உகந்தான்
          வரிவண்டு யாழ்முரலத்    
தேனுடை மாமலர் அன்னம் வைகும்
          திருநாரை யூர்மேய    
ஆனிடை ஐந்து உகந் தான்
          அடியே பரவா அடைவோமே.  9

தூசு புனை துவர் ஆடைமேவு
          தொழிலார் உடம்பினிலுள்    
மாசு புனைந்து உடை நீத்தவர்கள்
          மயல்நீர்மை கேளாதே    
தேசுடை யீர்கள் தெளிந்து அடைமின்
          திருநாரை யூர்தன்னில்    
பூசு பொடித்தலை வர்அடியார்
          அடியே பொருத்தமே.  10

தண்மதி தாழ்பொழில் சூழ்புகலித்
          தமிழ்ஞான சம்பந்தன்    
ஒண்மதி சேர்சடை யான்உறையும்
          திருநாரை யூர்தன்மேல்    
பண்மதி யாற்சொன்ன பாடல்பத்தும்
          பயின்றார் வினைபோகி    
மண்மதி யாதுபோய் வான்புகுவர்
          வானோர் எதிர்கொளவே.  11

திருச்சிற்றம்பலம்