திரு பழனம்

  

௨ 

திருநாவுக்கரசு  சுவாமிகள்   அருளிச்செய்த
ஐந்தாம்  திருமுறை 

தகவல் பலகை	விவரம்
தலம்	திருப்பழனம்
பிற பெயர்கள்
நாடு	சோழ நாடு (வ)
ॐசுவாமி	ஆபத்சகாயர்
ॐஅம்பிகை	பெரியநாயகி
பாடியவர்கள்	சம்பந்தர் (1)         வேதம் ஓதி  (1-67) அப்பர் (5)         சொல் மாலை பயில்கின்ற (4-12)         ஆடினார் ஒருவர் (4-36)         மேவித்து நின்று (4-87)         அருவானாய் அத்தி (5-35)         அலையார் கடல் நஞ்சம் (6-36)
ஸ்தல மரம்	வாழை
தீர்த்தம்	காவிரி, மங்கள தீர்த்தம்
பண்	திரு குருந்தொகை
குறிப்புகள்	கதலி வனம் என பெயர் பெற்றது  திருவையாற்றை மையமாக கொண்ட ஏழூர் திருத்தலங்களில் ஒன்று. சந்திரன் வழிபட்ட தலம்.
பதிக பலன்	பழ வினை தீரும்.,
வரிசை எண்.	35                                                     50/63

திருச்சிற்றம்பலம் 

அருவ னாய்அத்தி ஈர் உரி போர்த்து உமை
உருவ னாய்ஒற்றி யூர்பதி ஆகிலும்
பருவ ரால்வயல் சூழ்ந்த பழனத்தான்
திருவி னால் திரு வேண்டும் இத் தேவர்க்கே.  1

வையம் வந்து வணங்கி வலங்கொளும்
ஐயனை அறியார் சிலர் ஆதர்கள்
பைகொள் ஆடரவு ஆர்த்த பழனன்பால்
பொய்யர் காலங்கள் போக்கிடுவார்களே.  2

வண்ண மாக முறுக்கிய வாசிகை
திண்ண மாகத் திருச்சடைச் சேர்த்தியே
பண்ணு மாகவே பாடும் பழனத்தான்
எண்ணும் நீர் அவன் ஆயிர நாமமே.  3

மூர்க்கப் பாம்பு பிடித்தது மூச்சிட
வாக்கப் பாம்பினைக்கண்ட துணிமதி
பாக்கப் பாம்பினைப்பற்றும் பழனத்தான்
தார்க்கொள் மாலை சடைக்கு அணிந் திட்டதே.  4

நீலம் உண்டமிடற்றினன் நேர்ந்ததோர்
கோலம் உண்ட குணத்தால் நிறைந்ததோர்
பாலும் உண்டு பழனன் பால் என்னிடை
மாலும் உண்டு இறை என் தன் மனத்துளே.  5

மந்தமாக வளர்பிறை சூடியோர்
சந்த மாகத் திருச்சடை சாத்துவான்
பந்தம் ஆயினதீர்க்கும் பழனத்தான்
எந்தை தாய்தந்தைஎம்பெரு மானுமே.  6

மார்க்கம் ஒன்று அறியார்மதி யில்லிகள்
பூக்க ரத்திற் புரிகிலர் மூடர்கள்
பார்க்க நின்று பரவும் பழனத்தான்
தாள்கள் நின்று தலைவணங்கார்களே.  7

ஏறினார் இமையோர்கள் பணிகண்டு
தேறு வாரலர் தீவினை யாளர்கள்
பாறி னார் பணி வேண்டும் பழனத்தான்
கூறினான் உமையாளொடும்  கூடவே.  8

சுற்று வார் தொழுவார் சுடர் வண்ணன்மேல்
தெற்றினார் திரியும்புர மூன்று எய்தான்
பற்றி னார்வினை தீர்க்கும் பழனனை
எற்றி னான் மறக் கேன் எம் பிரானையே.  9

பொங்கு மாகடல் சூழ்இலங் கைக்கிறை
அங்க மான இறுத்தருள் செய்தவன்
பங்கண் என்றும் பழனன் உமையொடும்
தங்கன் தாள் அடியேனுடை உச்சியே.

திருச்சிற்றம்பலம்