திரு பழனம்

 

௨ 

திருநாவுக்கரசு  சுவாமிகள்   அருளிச்செய்த
நான்காம் திருமுறை 

தகவல் பலகை	விவரம்
தலம்	திருப்பழனம்
பிற பெயர்கள்
நாடு	சோழ நாடு (வ)
ॐசுவாமி	ஆபத்சகாயர்
ॐஅம்பிகை	பெரியநாயகி
பாடியவர்கள்	சம்பந்தர் (1)         வேதம் ஓதி  (1-67) அப்பர் (5)         சொல் மாலை பயில்கின்ற (4-12)         ஆடினார் ஒருவர் (4-36)         மேவித்து நின்று (4-87)         அருவானாய் அத்தி (5-35)         அலையார் கடல் நஞ்சம் (6-36)
ஸ்தல மரம்	வாழை
தீர்த்தம்	காவிரி, மங்கள தீர்த்தம்
பண்	திரு விருத்தம்
குறிப்புகள்	கதலி வனம் என பெயர் பெற்றது  திருவையாற்றை மையமாக கொண்ட ஏழூர் திருத்தலங்களில் ஒன்று. சந்திரன் வழிபட்ட தலம்.
பதிக பலன்	மகிழ்ச்சியான வாழ்வு கிட்டும்
வரிசை எண்.	87                                                     50/63

திருச்சிற்றம்பலம் 

மேவித்து நின்று விளைந்தன 
          வெந்துயர் துக்கம் எல்லாம்
ஆவித்து நின்று கழிந்தன 
          அல்லல் அவை அறுப்பான்
பாவித்த பாவனை நீ அறிவாய் 
          பழனத்து அரசே
கூவித்துக் கொள்ளும் தனை 
          அடியேனைக் குறிக்கொள்வதே.  1

சுற்றிநின் றார்புறம் காவல் 
          அமரர் கடைத்தலையில்
மற்றுநின் றார் திருமாலொடு 
          நான்முகன் வந்தடிக்கீழ்ப்
பற்றிநின் றார் பழனத்து அரசே 
          உன் பணி அறிவான்
உற்றுநின் றார் அடியேனைக் 
          குறிக்கொண்டு அருளுவதே.  2

ஆடி நின்றாய் அண்டம் ஏழும்
          கடந்துபோய் மேலவையும்
கூடி நின்றாய் குவிமென் 
          முலையாளையும் கொண்டுடனே
பாடி நின்றாய் பழனத்து அரசே 
          அங்கு ஓர் பால்மதியம்
சூடி நின்றாய் அடியேனை 
          அஞ்சாமைக் குறிக்கொள்வதே.  3

எரித்து விட்டாய் அம்பினாற் புரம் 
          மூன்றுமுன் னேபடவும்
உரித்துவிட் டாய் உமையாள் நடுக்கு 
          எய்த ஓர் குஞ்சரத்தைப்
பரித்து விட்டாய் பழனத்து அ ரசே 
          கங்கை வார்சடைமேல்
தரித்து விட்டாய் அடியேனைக் 
          குறிக்கொண்டு அருளுவதே.  4

முன்னியும் முன்னி முளைத்தன 
          மூவெயி லும்முடனே
மன்னியும் அங்கும் இருந்தனை 
          மாய மனத்தவர்கள்
பன்னிய நூலின் பரிசு அறிவாய் 
          பழனத்து அரசே
உன்னியும் உன்னடியேனைக் 
          குறிக்கொண்டு அருளுவதே.  5

ஏய்ந்தறுத் தாய் இன்பனாய் இருந்தே  
          படைத்தான் தலையைக்
காய்ந்தறுத் தாய்கண்ணினால் அன்று 
          காமனைக் காலனையும்
பாய்ந்தறுத் தாய் பழனத்து அரசே  
          என் பழவினை நோய்
ஆய்ந்தறுத் தாய்  அடியேனைக் 
          குறிக்கொண்டு அருளுவதே.  6

மற்றுவைத் தாய் அங்கு ஓர் மால் 
          ஒரு பாகம் மகிழ்ந்து உடனே
உற்றுவைத் தாய் உமையாளொடும்
          கூடும் பரிசு எனவே
பற்றிவைத் தாய் பழனத்து அரசே
          அங்கு ஓர் பாம்பு ஒருகை
சுற்றி வைத்தாய் அடியேனைக் 
          குறிக் கொண்டு அருளுவதே.  7

ஊரினின் தாய்ஒன்றி நின்று 
          விண்டாரையும் ஒள்ளழலால்
போரினின்றாய் பொறையாய் உயிர் 
          ஆவி சுமந்துகொண்டு
பாரில் நின்றாய் பழனத்து அரசே
          பணி செய்பவர்கட்கு
ஆர நின்றாய் அடியேனைக் 
          குறிக்கொண்டு அருளுவதே.  8

போகம்வைத் தாய்புரி புன்சடை 
          மேலொர் புனல் அதனை
ஆகம் வைத்தாய் மலையான் மட 
          மங்கை மகிழ்ந்துடனே
பாகம்வைத் தாய் பழனத்து அரசே 
          உன் பணி அருளால்
ஆகம் வைத்தாய் அடியேனைக் 
          குறிக் கொண்டு அருளுவதே.  9

அடுத்திருந் தாய்அரக் கன்முடி 
          வாயொடு தோள்நெரியக்
கெடுத்திருந் தாய்கிளர்ந் தார்
          வலியைக்கிளையோடு உடனே
படுத்திருந் தாய் பழனத்து அரசே
          புலியின் உரி தோல்
உடுத்திருந் தாய்அடி யேனைக் 
          குறிக்கொண்டு அருளுவதே.

திருச்சிற்றம்பலம்