திரு கச்சி ஏகம்பம்

  

௨ 

திருஞானசம்பந்தர்  சுவாமிகள் அருளிச்செய்த
முதலாம்   திருமுறை 

தகவல் பலகை	விவரம்
தலம்	திரு கச்சி ஏகம்பம்
ஊர்	காஞ்சிபுரம், காமபீடம், மும்மூர்த்தி வாசம், சிவபுரம், விண்டுபுரம், தபோமயம், துண்டீரபுரம், பிரமபுரம், பூலோக கயிலாயம், தேவபுரம், சகலசித்திபுரம், புவனசாரம், ஆதிபீடம், கன்னிகாப்பு, கலிசித்து, கச்சி
நாடு	தொண்டை நாடு
ॐசுவாமி	ஏகாம்பர நாதர், திருவேகம்பர்
ॐஅம்பிகை	ஏலவார் குழலி, காமாட்சி அம்மை
பாடியவர்கள்	சம்பந்தர் (4)         வெந்த வெண் பொடி பூசு  (1-133)         மறையானை மாசிலா (2-12)         கருவா கச்சி திருவேகம்பம் (3-41)         பாயுமால் விடை (3-114) அப்பர் (7)         கரவாடும் வன்னம்(4-07)         நம்பனை நகர மூன்றும் (4-44)          ஓதுவித்தாய் முன் (4-99)         பண்டு செய்த பழ வினை (5-047)         பூ மேலானும் பூமகள் (5-48)         கூற்றுவன் காண் கூற்றுவனை (6-64)         உரித்தவன் காண் உரக்களிற்றை (6-65) சுந்தரர்   (1)         ஆலம் தான் உகந்து அமுது (7-61)
ஸ்தல மரம்	மாமரம்
தீர்த்தம்	கம்பாநதி, சர்வ தீர்த்தம், சிவகங்கை
பண்	மேகராக குறிஞ்சி
குறிப்புகள்	காமாட்சி அம்மை 32 அறங்கள் செய்த தலம்  பஞ்ச பூத தலங்களில் ஒன்று (மண்) கந்தபுராணம் பாடிய கச்சியப்ப சிவாச்சாரியார் வாழ்ந்த தலம்  திருக்குறள் உரை ஆசிரியர் பரிமேலழகர் வாழ்ந்த தலம்  ஐயடிகள் காடவர்கோன், சாக்கிய நாயனார், திருக்குறிப்புத் தொண்டர் பேறு பெற்ற தலம்  சுந்தரமூர்த்தி சுவாமிகள் இடக் கண் பெற்ற தலம்  வேதம் மாமரமாக - தல மரமாக விளங்குவது.  இங்குள்ள மாமரம் சுமார் 3500 ஆண்டுகள் பழமையானது  கம்பாநதி பூமிக்கடியில் கண்களுக்கு புலப்படாதவாறு ஓடுவதாக வரலாறு  நல்ல கம்பன், கள்ளக் கம்பன், வெள்ளக் கம்பன் ஆகிய மூர்த்தங்கள் உள்ள திருத்தலம். முத்தி பேறு தரவல்ல தளமாக போற்றப் படுகிறது .
பதிக பலன்	வளம் ஓங்கி புகழுடன் வாழ்வர்.
வரிசை எண்.	133                                                       1/32

திருச்சிற்றம்பலம்          

மறையானை மாசிலாப்
          புன்சடை மல்குவெண்
பிறையானைப் பெண்ணொடு 
          ஆணாகிய பெம்மானை
இறையானை ஏர்கொள்கச்
          சித்திரு வேகம்பத்து 
உறைவானை அல்லது
          உள்காது எனது உள்ளமே.  1  

நொச்சியே வன்னி 
          கொன்றை மதி கூவிளம்
உச்சியே புனைதல் வேடம்
          விடையூர்தி யான்
கச்சி ஏகம்பம் மேய
          கறைக் கண்டனை
நச்சியே தொழுமின் நும்
          மேல் வினை நையுமே.  2  

பாராரு முழவம் மொந்தை 
      குழல் யாழ் ஒலி
சீராலே பாடல் ஆடல் 
      சிதை வில்லதோர்
ஏரார் பூங் கச்சி
      ஏகம்பனை எம்மானைச்
சேராதார் இன்பமாய
      அந்நெறி சேராரே.  3  

குன்றேய்க்கு நெடுவெண்மாடக்
          கொடி கூடிப்போய்
மின் தேய்க்கு முகில்கள்
          தோயும் வியன் கச்சியுள்
மன்றேய்க்கு மல்கு
          சீரான்மலி  ஏகம்பம்
சென் றேய்க்கும் சிதையார் 
          மேல்வினை சேராவே.  4  

சடையானைத் தலை கையேந்திப்
          பலி தருவார்தம்
கடையேபோய் மூன்றும் 
          கொண்டான் கலிக் கச்சியுள்
புடையேபொன் மலரும்
          கம்பைக்கரை ஏகம்பம்
உடையானை அல்லது 
          உள்காது எனது உள்ளமே.  5  

மழுவாளோடு எழில் கொள்
          சூலப்படை வல்லார்தம்
கெழுவாளோர் இமையார் 
          உச்சி உமையாள் கங்கை
வழுவாமே மல்கு
          சீரால் வளர் ஏகம்பம்
தொழுவாரே விழுமியார்
          மேல்வினை துன்னாவே.  6  

விண்ணுளார் மறைகள்
          வேதம்விரித்து ஓதுவார்
கண்ணுளார் கழலின்
          வெல்வார் கரி காலனை
நண்ணுவார் எழில் கொள்
          கச்சி நகர் ஏகம்பத்து 
அண்ணலார் ஆடுகின்ற
          அலங் காரம்மே.  7  

தூயானைத் தூயவாயம்
          மறை ஓதிய
வாயானை வாளரக்கன்
          வலி வாட்டிய
தீயானைத் தீதில்
          கச்சித் திரு ஏகம்பம்
மேயானை மேவுவார்
          என் தலை மேலாரே.  8  

நாகம்பூண் ஏறது 
          ஏறல் நறுங் கொன்றைதார்
பாகம் பெண் பலியும் ஏற்பர்
          மறை பாடுவர்
ஏகம்பம் மேவி
          ஆடும் இறை இருவர்க்கு
மாகம்பம் அறியும் 
          வண்ணத்தவன் அல்லனே.  9  

போதியார் பிண்டியார்
          என்று இவர் பொய்ந்நூலை
வாதியா வம்மினம்மா
          எனும் கச்சியுள்
ஆதியார் மேவியாடும்
          திரு ஏகம்பம்
நீதியால் தொழுமின் நும்
          மேல்வினை நில்லாவே.  10  

அந்தண்பூங் கச்சி
          ஏகம்பனை அம்மானைக்
கந்தண்பூங் காழியூரன்
          கலிக் கோவையால்
சந்தமே பாட வல்ல
          தமிழ் ஞான
சம்பந்தன் சொற் பாடி
          ஆடக்கெடும் பாவமே.

திருச்சிற்றம்பலம்