திரு கச்சி ஏகம்பம்

    

௨ 

திருஞானசம்பந்தர்  சுவாமிகள் அருளிச்செய்த
முதலாம்   திருமுறை 

தகவல் பலகை	விவரம்
தலம்	திரு கச்சி ஏகம்பம்
ஊர்	காஞ்சிபுரம், காமபீடம், மும்மூர்த்தி வாசம், சிவபுரம், விண்டுபுரம், தபோமயம், துண்டீரபுரம், பிரமபுரம், பூலோக கயிலாயம், தேவபுரம், சகலசித்திபுரம், புவனசாரம், ஆதிபீடம், கன்னிகாப்பு, கலிசித்து, கச்சி
நாடு	தொண்டை நாடு
ॐசுவாமி	ஏகாம்பர நாதர், திருவேகம்பர்
ॐஅம்பிகை	ஏலவார் குழலி, காமாட்சி அம்மை
பாடியவர்கள்	சம்பந்தர் (4)         வெந்த வெண் பொடி பூசு  (1-133)         மறையானை மாசிலா (2-12)         கருவா கச்சி திருவேகம்பம் (3-41)         பாயுமால் விடை (3-114) அப்பர் (7)         கரவாடும் வன்னம்(4-07)         நம்பனை நகர மூன்றும் (4-44)          ஓதுவித்தாய் முன் (4-99)         பண்டு செய்த பழ வினை (5-047)         பூ மேலானும் பூமகள் (5-48)         கூற்றுவன் காண் கூற்றுவனை (6-64)         உரித்தவன் காண் உரக்களிற்றை (6-65) சுந்தரர்   (1)         ஆலம் தான் உகந்து அமுது (7-61)
ஸ்தல மரம்	மாமரம்
தீர்த்தம்	கம்பாநதி, சர்வ தீர்த்தம், சிவகங்கை
பண்	கொல்லி
குறிப்புகள்	காமாட்சி அம்மை 32 அறங்கள் செய்த தலம்  பஞ்ச பூத தலங்களில் ஒன்று (மண்) கந்தபுராணம் பாடிய கச்சியப்ப சிவாச்சாரியார் வாழ்ந்த தலம்  திருக்குறள் உரை ஆசிரியர் பரிமேலழகர் வாழ்ந்த தலம்  ஐயடிகள் காடவர்கோன், சாக்கிய நாயனார், திருக்குறிப்புத் தொண்டர் பேறு பெற்ற தலம்  சுந்தரமூர்த்தி சுவாமிகள் இடக் கண் பெற்ற தலம்  வேதம் மாமரமாக - தல மரமாக விளங்குவது.  இங்குள்ள மாமரம் சுமார் 3500 ஆண்டுகள் பழமையானது  கம்பாநதி பூமிக்கடியில் கண்களுக்கு புலப்படாதவாறு ஓடுவதாக வரலாறு  நல்ல கம்பன், கள்ளக் கம்பன், வெள்ளக் கம்பன் ஆகிய மூர்த்தங்கள் உள்ள திருத்தலம். முத்தி பேறு தரவல்ல தளமாக போற்றப் படுகிறது .
பதிக பலன்	நிலைத்த புகழுடன் வாழ்வார்கள்
வரிசை எண்.	133                                                       1/32

திருச்சிற்றம்பலம்          

பாயுமால்விடை மேல் ஒரு பாகனே 
          பாவை தன் உருமேல் ஒரு பாகனே 
தூயவானவர் வேதத் துவனியே 
          சோதி மால் எரி வேதத் துவனியே
ஆயுநன்பொருள் நுண்பொருள் ஆதியே 
          ஆல நீழல் அரும் பொருள் ஆதியே
காயவின் மதன் பட்டது கம்பமே 
          கண்ணுதற் பரமற்குக் இடம் கம்பமே.  1  

சடை அணிந்ததும் வெண் தலை மாலையே 
          தம் உடம்பிலும் வெண் தலை மாலையே
படையில் அங்கையிற் சூலம து என்பதே 
          பரந்து இலங்கையிற் சூலமது என்பதே
புடைபரப்பன பூத கணங்களே 
          போற்றிசைப்பன பூத கணங்களே
கடைகள் தோறும் இரப்பது மிச்சையே 
          கம்பமேவி இருப்பதும் இச்சையே.  2  

வெள்ளெருக்கொடு தும்பை மிலைச்சியே 
          வேறுமுன்செலத் தும்பை மிலைச்சியே
அள்ளி நீறது பூசுவ தாகமே 
          ஆனமாசுண மூசுவ தாகமே
புள்ளியாடை உடுப்பது கத்துமே 
          போன ஊழி உடுப்பது கத்துமே
கள்ளுலாமலர்க் கம்பம் இருப்பதே 
          காஞ்சிமாநகர்க் கம்பம் இருப்பதே.  3  

முற்றலாமை அணிந்த முதல்வரே 
          மூரியாமை அணிந்த முதல்வரே
பற்றிவாளரவு  ஆட்டும் பரிசரே 
          பாலுநெய்யும் உகந்து ஆட்டும் பரிசரே
வற்றல் ஓடு கலம் பலி தேர்வதே 
          வானினோடு கலம்பலி தேர்வதே
கற்றிலா மனம்  கம்பம் இருப்பதே 
          காஞ்சிமாநகர்க் கம்பம் இருப்பதே.  4  

வேடனாகி விசையற்கு அருளியே 
          வேலைநஞ்ச மிசையற்கு அருளியே
ஆடு பாம்பு அரை ஆர்த்தது உடையதே 
          அஞ்சுபூதமும் ஆர்த்தது உடையதே
கோடுவான்மதிக் கண்ணி அழகிதே 
          குற்றமில் மதிக் கண்ணி அழகிதே
காடு வாழ் பதி ஆவதும் உம்மதே 
          கம்பமா பதியாவதும் உம்மதே.  5  

இரும்புகைக்கொடி தங்கு அழல் கையதே 
          இமய மாமகள் தம் கழல் கையதே
அரும்பு மொய்த்த மலர்ப் பொறை தாங்கியே 
          ஆழியான் தன் மலர்ப்பொறை தாங்கியே
பெரும்பகல் நடமாடுதல் செய்துமே 
          பேதைமார்மனம் வாடுதல் செய்துமே
கரும்புமொய்த்தெழு கம்பம் இருப்பதே 
          காஞ்சிமாநகர்க் கம்பம் இருப்பதே.  6  

முதிரமங்கை தவம் செய்த காலமே 
          முன்புமங்கை தவம் செய்த காலமே
வெதிர்களோடு அகில் சந்தம் உருட்டியே 
          வேழமோடு அகில் சந்தம் உருட்டியே
அதிரவாறு அரத்தது அழுவத்தொடே 
          யானையாடு வரத்தழு வத்தொடே
கதிர்கொள் பூண்முலைதக் கம்பம் இருப்பதே 
          காஞ்சிமாநகர்க் கம்பம் இருப்பதே.  7  

பண்டரக்கன் எடுத்த பலத்தையே 
          பாய்ந்த அரக்கன் எடுத்த பலத்தையே 
கொண்டரக்கியது உங்கால் விரலையே 
          கோள் அரக்கியது உங்கால் விரலையே
உண்டு உழன்றது முண்டர்  தலையிலே 
          உடுபதிக்கு இடம் உண்டத் தலையிலே
கண்ட நஞ்சம் அடக்கினை கம்பமே 
          கடவுள்நீ இடம் கொண்டது கம்பமே.  8  

தூணியான சுடர்விடு சோதியே 
          சுத்தமான சுடர்விடு சோதியே
பேணியோடு பிரமப் பறவையே 
          பித்தனான பிரமப் பறவையே
சேணினோடு கீழூழி திரிந்துமே 
          சித்தமோடு கீழூழி திரிந்துமே
காணநின்றனர் உற்றது கம்பமே 
          கடவுள்நீயிடம் உற்றது கம்பமே.  9  

ஓர் உடம்பினை ஈர் உருவாகவே 
          உன்பொருள் திறம் ஈர் உருவாகவே
ஆரும் எய்தற்கு அரிது பெரிதுமே 
          ஆற்றல் எய்தற்கு அரிது பெரிதுமே
தேரரும் அறியாது திகைப்பரே 
          சித்தமும் அறியாது திகைப்பரே
கார் நிறத்த அமணர்க்கு ஒரு கம்பமே 
          கடவுல் நீ இடம் கொண்டது கம்பமே.  10  

கந்தமார்பொழில் சூழ்தரு கம்பமே 
          காதல்செய்பவர் தீர்த்திடு கம்பமே
புந்திசெய்து விரும்பிப் புகலியே 
          பூசுரன் தன் விரும்பிப் புகலியே
அந்தமில்பொருள் ஆயின கொண்டுமே 
          அண்ணலின் பொருள் ஆயின கொண்டுமே
பந்தனின் இயல் பாடிய பத்துமே 
          பாடவல்லவர் ஆயின பத்துமே.

திருச்சிற்றம்பலம்