திரு கச்சி ஏகம்பம்

    

௨ 

திருநாவுக்கரசு சுவாமிகள் அருளிச்செய்த
ஐந்தாம்   திருமுறை 

தகவல் பலகை	விவரம்
தலம்	திரு கச்சி ஏகம்பம்
ஊர்	காஞ்சிபுரம், காமபீடம், மும்மூர்த்தி வாசம், சிவபுரம், விண்டுபுரம், தபோமயம், துண்டீரபுரம், பிரமபுரம், பூலோக கயிலாயம், தேவபுரம், சகலசித்திபுரம், புவனசாரம், ஆதிபீடம், கன்னிகாப்பு, கலிசித்து, கச்சி
நாடு	தொண்டை நாடு
ॐசுவாமி	ஏகாம்பர நாதர், திருவேகம்பர்
ॐஅம்பிகை	ஏலவார் குழலி, காமாட்சி அம்மை
பாடியவர்கள்	சம்பந்தர் (4)         வெந்த வெண் பொடி பூசு  (1-133)         மறையானை மாசிலா (2-12)         கருவா கச்சி திருவேகம்பம் (3-41)         பாயுமால் விடை (3-114) அப்பர் (7)         கரவாடும் வன்னம்(4-07)         நம்பனை நகர மூன்றும் (4-44)          ஓதுவித்தாய் முன் (4-99)         பண்டு செய்த பழ வினை (5-047)         பூ மேலானும் பூமகள் (5-48)         கூற்றுவன் காண் கூற்றுவனை (6-64)         உரித்தவன் காண் உரக்களிற்றை (6-65) சுந்தரர்   (1)         ஆலம் தான் உகந்து அமுது (7-61)
ஸ்தல மரம்	மாமரம்
தீர்த்தம்	கம்பாநதி, சர்வ தீர்த்தம், சிவகங்கை
பண்	திருக்குறுந்தொகை
குறிப்புகள்	காமாட்சி அம்மை 32 அறங்கள் செய்த தலம்  பஞ்ச பூத தலங்களில் ஒன்று (மண்) கந்தபுராணம் பாடிய கச்சியப்ப சிவாச்சாரியார் வாழ்ந்த தலம்  திருக்குறள் உரை ஆசிரியர் பரிமேலழகர் வாழ்ந்த தலம்  ஐயடிகள் காடவர்கோன், சாக்கிய நாயனார், திருக்குறிப்புத் தொண்டர் பேறு பெற்ற தலம்  சுந்தரமூர்த்தி சுவாமிகள் இடக் கண் பெற்ற தலம்  வேதம் மாமரமாக - தல மரமாக விளங்குவது.  இங்குள்ள மாமரம் சுமார் 3500 ஆண்டுகள் பழமையானது  கம்பாநதி பூமிக்கடியில் கண்களுக்கு புலப்படாதவாறு ஓடுவதாக வரலாறு  நல்ல கம்பன், கள்ளக் கம்பன், வெள்ளக் கம்பன் ஆகிய மூர்த்தங்கள் உள்ள திருத்தலம். முத்தி பேறு தரவல்ல தளமாக போற்றப் படுகிறது .
பதிக பலன்	தீவினைகள் தீரும்
வரிசை எண்.	48                                                      1/32

திருச்சிற்றம்பலம்          

பூமே லானும்  பூமகள் கேள்வனும்
நாமே தேவர் எனாமை நடுக்குறத்
தீமே வும்முரு வாதிரு ஏகம்பா
ஆமோ அல்லற் பட அடியோங்களே.  1  

அருந்தி றல்அமரர்அயன் மாலொடு
திருந்த நின்று வழிபடத் தேவியோடு 
இருந்த வன் எழிலார்கச்சி ஏகம்பம்
பொருந்தச் சென்று புடைபட்டு எழுதுமே.  2  

கறைகொள் கண்டத்து எண் தோள் இறை முக்கணன்
மறைகொள் நாவினன் வானவர்க்கு ஆதியான்
உறையும் பூம்பொழில் சூழ்கச்சி ஏகம்பம்
முறைமை யாற்சென்றுமுந்தித் தொழுதுமே.  3  

பொறிப்பு லன்களைப் போக்கு அறுத்து உள்ளத்தை
நெறிப்ப டுத்து நினைந்தவர் சிந்தையுள்
அறிப்பு றும்ம முதாயவன் ஏகம்பம்
குறிப்பி னாற்சென்று கூடித் தொழுதுமே.  4  

சிந்தையுட் சிவமாய் நின்ற செம்மையோடு
அந்தி யாய்அனலாய்ப்புனல் வானமாய்
புந்தி யாய்ப்புகுந்து உள்ளம் நிறைந்த எம்
எந்தை ஏகம்பம்ஏத்தித் தொழுமினே.  5  

சாக்கி யத்தொடுமற்றும் சமண்படும்
பாக்கி யம் இலார்பாடு செலாதுறப்
பூக்கொள் சேவடியான்கச்சி யேகம்பம்
நாக்கொடு ஏத்திநயந்து தொழுதுமே.  6  

மூப்பி னோடுமுனிவுறுத்து எந்தமை
ஆர்ப்ப தன்முன்னணிஅம ரர்க்கு இறை
காப்ப தாய கடிபொழில் ஏகம்பம்
சேர்ப்ப தாகநாம் சென்றடைந்து உய்துமே.  7  

ஆலு மாமயிற் சாயல்நல் லாரொடும்
சால நீயுறு மால்தவிர் நெஞ்சமே
நீல மாமிடற்று அண்ணலே ஏகம்பனார்
கோல மா மணிப் பாதமே கும்பிடே.  8  

பொய் அனைத்தையும் விட்டவர் புந்தியுள்
மெய்ய னைச்சுடர் வெண்மழு ஏந்திய
கை அனைக் கச்சி ஏகம்பம் மேவிய
ஐயனைத் தொழு வார்க்கு இல்லை அல்லலே.  9  

அரக்கன் தன் வலி உன்னிக் கயிலையை
நெருக்கிச் சென்று எடுத்தான் முடி தோள்நெரித்து 
இரக்க இன்னிசை கேட்டவன் ஏகம்பம்
தருக்க தாக நாம் சார்ந்து தொழுதுமே.

திருச்சிற்றம்பலம்